2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Gestgjafinn á faraldsfæti í nýju blaði

Ferðalög og útivist eru okkur hugleikin í nýjasta tölublaði Gestgjafans enda fátt betra en að borða góðan mat í íslenskri náttúru.

 

Í blaðinu bjóðum við upp á sælkeramat fyrir útileguna auk þess sem ævintýra- og fjallgöngukonurnar G. Sigríður Ágústsdóttir og Vilborg Arna Gissurardóttir gefa lesendum nokkrar frábærar nestisuppskriftir og góð ráð varðandi fjallamennsku.

Hollt og gott nesti er G. Sigríði Ágústsdóttur og Vilborgu Örnu Gissurardóttur hugleikið og Sirrý, eins og hún er kölluð, er gjarnan sögð vera heimsmeistari í nestisgerð. Mynd/Hallur Karlsson

Ein góð leið til að njóta góða veðursins í sumar er að nota garðinn og borða úti. Blaðamenn Gestgjafgjafans skruppu til Miðjarðarhafsins og Mið-Austurlanda í huganum og töfruðum fram flotta garðveislu með æðislegum réttum en matargerð af þessu tagi hefur notið mikilla vinsælda undanfarin ár.

AUGLÝSING


Ljúffengir og sumarlegir kjúklingaréttir sem henta vel á grillið eru í blaðinu, kúrbítsklattar með jógúrtsósu, gómsætt sódabrauð með heslihnetum og súkkulaði og kartöflusalat með laxi sem er tilvalin leið til að nýta afganga af elduðum laxi og gott til að grípa með í nestið.

Bergþóra Jónsdóttir grillaði þennan gómsæta kjúkling en borðbúnaðurinn er frá Dúka. Mynd/Hákon Davíð Björnsson

Dominique segir lesendum helstu fréttir úr vínheiminum og mælir með spennandi vínum. Fjallað er um áhrif kórónuveirunar á vínheiminn, vinsæla drykkinn Aperol Spritz og þrjú vín pöruð saman við klassíska réttinn Quiche Lorraine. Einnig má finna fróðleik um vínsmökkun og í hverju felst að smakka vín blint.

Einnig er vert að minnast á þéttan ferðaþátt en Gestgjafinn heimsótti nokkra ferðaþjónustuaðila í Hveragerði og Borgarfirði sem bjóða upp á fjölmarga möguleika í afþreyingu, náttúruperlum, mat, drykk og gistingu.

Sjón er sögu ríkari.

Tryggðu þér áskrift að Gestgjafanum í vefverslun

Forsíðumynd/Hákon Davíð Björnsson Réttina eldaði Folda Guðlaugsdóttir og Hanna Ingibjörg Arnarsdóttir stíliseraði.

Lestu meira

Annað áhugavert efni