2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Gestgjafinn – brot af því besta árið 2017

Á þessu ári birtist fjöldi gómsætra uppskrifta og fallegra mynda í Gestgjafanum. Hér er sýnishorn af því besta af síðum Gestgjafans.

Tígrisrækjur í kryddlög með pikkluðu rauðkáli og klettasalati í chili-sósu. Umsjón Gunnar Helgi Guðjónsson / Mynd Aldís Pálsdóttir

Grillaðar tígrisrækjur eru einstaklega bragðgóðar og ekki skemmir fyrir þegar búið að setja þær í ljúffengan kryddlög Hér eru þær svo lagðar á mjúkt taco og bornar fram með klettasalati í chili-sósu, pikkluðu rauðkáli, lárperu og sýrðum rjóma.
____________________________________________________________________

Teriyaki-lax með sojakartöflum og edamami-baunum. Umsjón Gunnar Helgi Guðjónsson / Mynd Íris Dögg Einarsdóttir

Teriyaki-lax er bæði hollur og léttur í maga – auk þess að vera ótrúlega ljúffengur á bragðið. Fyrir þá sem ekki vita þá er teriyaki japönsk grillsósa og því má segja að japanskra áhrifa gæti hér. Laxinn er borinn fram með sojakartöflum og edamami-baunum. 

AUGLÝSING


____________________________________________________________________

Laxakæfa með kapers klikkar ekki. Umsjón Nanna Teitsdóttir  / Mynd Heiðdís Guðbjörg Gunnarsdóttir

Laxakæfa með kapers er mjúk og feykilega góð. Hér er kæfan sett í skál og ristuðu brauði raðað snyrtilega í kring.

________________________________________________________________________

Blómkálssúpa með indversku ívafi. Umsjón Kristín Dröfn Einarsdóttir og Guðrún Ýr Eðvaldsdóttir / Mynd Aldís Pálsdóttir

Indversk matargerð er þekkt fyrir að kitla bragðlaukana og þessi góða og saðsama blómkálssúpa undir indverskum áhrifum er þar engin undantekning. Meginuppistaðan er blómkál, kartöflur, hvítlaukur, engifer og alls konar krydd. Allt er soðið og maukað vandlega í matvinnsluvél og síðan hitað aftur. Súpan er borin á borð með jógúrtslettu, ferskum kóríander, eða steinselju, og rauðu chili.

____________________________________________________________________

Ungverskt gúllas með rótargrænmeti. Umsjón Gunnar Helgi Guðjónsson / Mynd Hákon Davíð Björnsson

Ef hægt er að tala um að einhver árstíma sé heppilegur fyrir gúllas þá er það núna í mesta kuldanum og skammdeginu. Hér er nautakjöt og grænmeti steikt á pönnu og síðan soðið ásamt kryddmauki í potti í dágóðan tíma. Steinselju bætt saman við og síðan bragðbætt með salti og pipar. Herligheitin eru borin fram með tagliatelle. 

____________________________________________________________________

Þessi réttur er ekki aðeins ljúffengur heldur líka fallegur á borðið. Umsjón Folda Guðlaugsdóttir / Mynd Hákon Davíð Björnsson

Hægelduð önd er sannkallaður herramannsmatur. Hér er hún borin á borð ásamt selleríróttar- og lárperusalati þar sem sýrður rjómi, sítrónusafi og sinnepi gegna veigamiklu hlutverki – fyrir utan auðvitað sellerírót og lárperu. Annað meðlæti er að eigin vali.

____________________________________________________________________

Þessi villisveppabaka er bæði holl og sérlega góð. Umsjón Bergþóra Jónsdóttir / Mynd Aldís Pálsdóttir

Villisveppabaka er ekki bara holl – hún er líka einstaklega bragðgóð. Fyllt með allskonar gúmmelaði og bökuð þar hún er orðin fallega brún. Skreytt með söxuðum vorlauk og síðan borin fram með frískandi jógúrtsósu.

____________________________________________________________________

Fljótlegt og gott. Eggjapönnukökur með svartbauna- og tómatsalsa. Umsjón Folda Guðlaugsdóttir / Mynd Hákon Davíð Björnsson

Eggjapönnukökur með svartbauna- og tómatsalsa er bæði fljótlegur og hollur réttur. Einn helsti kosturinn við þennan rétt er jafnframt sá að hann er hægt að útbúa og geyma inni í ísskáp og síðan elda einn og einn skammt í einu. Sérlega hentugt til dæmis þegar fjölskyldumeðlimir koma í mat á mismunandi tíma.

__________________________________________________________________

Sannir sælkerar ættu ekki að láta þessa köku fram hjá sér fara. Umsjón Gunnar Helgi Guðjónsson / Mynd Heiðdís Guðbjörg Gunnarsdóttir

Eins og allir sælkerar vita jafnast fátt á við góða súkkulaðiköku og því ættu sannir sælkerar ekki að láta þessa einstöku súkkulaðiostaköku með Oreo-kexi fram hjá sér fara. Hún er ekki aðeins syndsamlega góð á bragðið heldur góð fyrir nánast hvaða tilefni sem er. Til dæmis í veisluna nú eða bara með kaffinu. 

____________________________________________________________________

Esspressó granita með þeyttum rjóma og súkkulaðispæni. Umsjón Nanna Teitsdóttir  / Mynd Aldís Pálsdóttir

Espressó-Granita með þeyttum rjóma og súkkulaðispæni. Espresso granita con panna“ er vinsæll ísréttur á Ítalíu, rjóminn temprar niður sterka espressóbragðið og þetta finnst Ítölum til dæmis sérstaklega frískandi á heitum sumardögum. Granita er einstaklega auðveldur eftirréttur sem lítið þarf að hafa fyrir. Hægt er að klæða hann í spariföt með því að rífa súkkulaðispæni yfir, sáldra muldum hnetum út á hann eða bragðbæta rjómann með serríi.

Uppskriftir að þessum og fleiri dýrindis réttum má finna í nýjasta tölublaði Gestgjafans – sjón er sögu ríkari!

Ekki missa af þessum

Annað áhugavert efni