Gómsætur glóðaður kúrbítur með fetaosti

Það eru endalausir möguleikar á því að matreiða kúrbít. Hann er góður hrár, í þunnum sneiðum með góðri salatsósu, steiktur eða grillaður sem meðlæti með kjöti og fiski og síðan frábær í alla mögulega grænmetisrétti að ekki sé talað um brauð og sætabrauð.

 

Glóðaður kúrbítur með fetaosti
forréttur fyrir 4

Þetta er ótrúlega einfaldur og ljúffengur réttur. Grillið eða steikið kúrbítinn vel svo hann brúnist. Fetaosturinn á einstaklega vel við kúrbítinn.

2 kúrbítar
2-4 msk. olía
2 hvítlauksrif, sneidd
salt og pipar
2 msk. fersk steinselja, eða 2 tsk. þurrkuð
1 ½ -2 dl fetaostur

AUGLÝSING


Skerið kúrbítinn í tvennt og síðan í sneiðar. Setjið hvítlaukssneiðarnar í olíuna og penslið kúrbítinn með olíunni. Grillið síðan á heitu grilli. Það má líka steikja kúrbítinn á pönnu í olíunni í þremur umferðum; steikið örlítinn hvítlauk með í hverri umferð.

Setjið kúbítinn í skál, saltið og piprið og blandið steinselju og fetaosti saman við.

Stílisti / Hanna Ingibjörg Arnarsdóttir
Myndir / Kristinn Magnússon

Ekki missa af þessum

Annað áhugavert efni