Götubitinn – Reykjavík Street Food opnar „pop up“ veitingastað í haust

Efnisorð

Deila

- Auglýsing -

Veitingastaðurinn verður staðsettur á Klapparstíg 30 þar sem Skelfiskmarkaðurinn var áður til húsa. 

Þar munu koma fram 2-3 mismunandi söluaðilar hverju sinni og taka yfir eldhúsið og kynna nýjungar í matargerð í anda götubita (street food).

„Hugmyndin er að það verði alltaf  eitthvað nýtt og spennandi í hverri viku,“ segir Róbert Aron Magnússon framkvæmdastjóri.

Mynd / Aðsend

Húsnæðinu verður lítið breytt enda allt til alls og er hugmyndin að búa til fínni útgáfu af götubita stemningu án þess þó að tapa sjarmanum sem götubiti hefur upp á að bjóða.  Einnig verður starfræktur pop up bar og verða allskyns viðburðir í gangi samhliða.  Til að byrja með verður aðeins opið fimmtudaga til laugardaga. Að auki þá mun Reykjavik Street Food halda reglulega viðburði í Hjartagarðinum og reyna að endurlífga þetta annars skemmtilega svæði í samstarfi við aðra rekstraraðila á svæðinu.

„Þetta er einstakt tækifæri fyrir matsöluaðila sem vilja prófa ný „concept“ eða vilja prófa sig áfram í spennandi matargerð áður en farið er í miklar fjárfestingar sem fylgja því að opna sinn eigin veitingastað,“ segir Róbert. „Þeir sem hafa áhuga á að taka þátt í þessu „pop up“ ævintýri geta haft samband með tölvupósti [email protected].“

Þeir aðilar sem hafa staðfest þáttöku í þessu verkefni núþegar eru Silli Kokkur og Vængjavagninn (Just Wingin It) En þess má geta að Silli Kokkur sigraði keppnina um besta götubitann 2020 og hafnaði Vængjavagninn í öðru sæti.

Mynd / Aðsend

- Auglýsing -
- Auglýsing -

Athugasemdir

Orðrómur

Forsíðuviðtal Mannlífs

Lestu meira