Grænt og gómsætt spínat-risotto með edamame-baunum og geitaosti

Efnisorð

Deila

- Auglýsing -

Margir halda að risotto sé tímafrekur og flókinn réttur en hann er raun sáraeinfaldur í eldun, það eina sem þarf er smávegis tími og örlítil æfing. Hér kemur uppskrift að geggjuðu spínat-risotto með edamame-baunum og geitaosti.

 

Spínat-risotto með edamame-baunum og geitaosti

Fyrir 2

1 laukur, fínt saxaður
140 g arborio-grjón
500 ml grænmetis- eða kjúklingasoð
250 g frosnar edamame-baunir eða grænar ertur
2 hnefafylli spínat
nýmalaður svartur pipar
rifinn parmesanostur, til að bera fram
100 g geitaostur
söxuð steinselja, til að bera fram

Hitið 2 msk. af olíu á djúpri stórri pönnu á miðlungshita. Steikið laukinn í 1-2 mín.,
bætið hrísgrjónum saman við, eldið í 1 mín. og hrærið í allan tímann. Bætið 150 ml af
soði sama við hrísgrjónin og eldið þar til hrísgrjónin hafa dregið í sig soðið, hafið pönnuna á miðlungsháum hita. Endurtakið ferlið þar til soðið er búið og hrísgrjónin eru al dente.

Á meðan hrísgrjónin eru að eldast sjóðið baunirnar í 1 mín. og sigtið síðan frá vatninu. Setjið helminginn af baununum í blandara eða matvinnsluvél ásamt spínatinu og maukið saman þar til allt hefur samlagast vel. Setjið blönduna saman við hrísgrjónin á pönnunni ásamt restinni af baununum og hrærið saman. Eldið í 3 mín. eða þar til risottoið hefur þykknað og allt hefur samlagast vel. Bragðbætið með nýmöluðum svörtum pipar og rifnum parmesanosti.

Setjið risottoið á fat eða diska og myljið geitaostinn yfir ásamt saxaðri steinselju.

Umsjón / Folda Guðlaugsdóttir
Myndir / Hallur Karlsson

Gestgjafinn er vandað fagtímarit um mat, vín og ferðalög. Allar uppskriftir í matarþáttum blaðsins eru þróaðar, eldaðar og prófaðar í tilraunaeldhúsi Gestgjafans. Blaðið fæst í öllum helstu matvöruverslunum og bókabúðum en einnig er hægt að gerast áskrifandi í vefverslun.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Eina fagtímaritið um mat og vín á Íslandi

Gestgjafinn

Tryggðu þér áskrift á 1.790 kr. á mánuði eða kauptu stakt blað á 1.890 kr.

- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -