2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Gróft hrökkbrauð sem bragð er af

Er ekki tilvalið að dunda sér í eldhúsinu þegar veðrið er vont? Hér kemur uppskrift að grófu hrökkbrauð sem bragðast vel með t.d. osti og agúrku eða hummus og papriku. Fullkomið millimál.

Hrökkbrauð

2 dl rúgmjöl
2 dl fínt spelt
4 dl gróft haframjöl
1 ½ dl sólblómafræ
½ dl graskersfræ
1 dl hörfræ
1 dl sesamfræ
1 tsk. salt
5 dl vatn

Hitið ofn í 160°C. Blandið öllu saman í skál og látið standa í nokkrar mín. þar til þurrefnin hafa dregið í sig vatnið. Setjið helminginn af deiginu á milli tveggja arka af bökunarpappír og fletjið mjög þunnt út. Skerið í bita með pítsuskera. Endurtakið með restina af deiginu og bakið báðar plöturnar í 50-60 mín. Skiptið þá um stað á plötunum og bakið áfram í 50-60 mín.

AUGLÝSING


Athugið að ef bökunarpappírinn vill festast við hrökkbrauðið er gott að snúa örkinni á hvolf (kexið niður) og setja rakt viskustykki ofan á pappírinn í nokkrar mín. Látið hrökkbrauðið kólna alveg og geymið í lokuðu boxi.

Umsjón/stílisti / Kristín Dröfn Einarsdóttir
Myndir / Hákon Davíð Björnsson

Lestu meira

Annað áhugavert efni