Hlutu Bláskelina fyrir bjórkippuhringi úr lífrænum efnum

Deila

- Auglýsing -

Brugghúsið Segull 67 hlaut í dag Bláskelina, nýja viðurkenningu umhverfis- og auðlindaráðuneytisins fyrir framúrskarandi plastlausa lausn. Umhverfisráðherra veitti viðurkenninguna um leið og hann setti átaksverkefnið Plastlausan september í Ráðhúsi Reykjavíkur.

 

Var það niðurstaða dómnefndar að sú lausn Seguls 67 að nýta bjórkippuhringi úr lífrænum efnum í stað plasts væri framúrskarandi.

Í rökstuðningi nefndarinnar kom fram ef fleiri framleiðendur myndu nota lífræna kippuhringi í stað plasts myndi það ekki einungis skila sér í minni plastnotkun og -mengun heldur einnig auka meðvitund í samfélaginu um óþarfa plastnotkun.

Stofnað var til Bláskeljarinnar í því skyni að hvetja til plastlausra lausna í íslensku samfélagi og er viðurkenningin liður í aðgerðum umhverfis- og auðlindaráðuneytisins til að draga úr plastmengun.

#segull67 #bláskelin Vorum rétt í þessu að fá viðurkenningu umhverfis- og auðlindaráðuneytisins fyrir framúrskarandi…

Posted by Segull 67 Brewery Brugghús on Sunnudagur, 1. september 2019

Posted by Segull 67 Brewery Brugghús on Sunnudagur, 7. apríl 2019

 

- Advertisement -

Athugasemdir