Kjúklingabaka með sveppum og grænum baunum – Fullkomið í miðri viku

Efnisorð

Deila

- Auglýsing -

Við elskum bökur! Notið endilega afgangs kjúkling í réttinn og notið beinin í soð. Hægt er að gera eina stóra böku eða nokkrar litlar.

Ef afgangur verður af fyllingunni má gjarnan nota hana í súpu, þá bætið þið bara við vatni, salti og pipar og meira af grænmeti. Mjög fínt daginn eftir.

Kjúklingabaka með sveppum og grænum baunum

fyrir 5 – 6

3 – 4 plötur frosið smjördeig

½ grillaður kjúklingur skorinn í bita, annaðhvort keyptur grillaður eða eldaður heima
8 dl vatn
2 msk. bragðlítil olía
10 sveppir, skornir í báta
1 blaðlaukur, skorinn smátt, notið græna hlutann í soðið
2 stilkar sellerí, skorið smátt
1 lítill brokkólíhaus, smátt skorinn
2 hvítlauksgeirar, smátt saxaðir
2 tsk. timían
salt og pipar
3 msk. smjör
3 msk. hveiti
6 – 7 dl af kjúklingasoðinu
3 dl grænar baunir, frosnar
5 dl rjómi
2 msk. sítrónusafi og börkur af einni sítrónu
1 msk. gróft salt
1 – 2 tsk. svartur pipar, nýmalaður
1 egg til að pensla með
1 msk. timjan

Hitið ofninn á 180°C og takið út smjördeigið. Hreinsið kjúklingakjötið af beinunum, skerið í bita og geymið. Takið svo skinnið og öll beinin og setjið í pott ásamt vatninu og græna hlutanum af blaðlauknum. Sjóðið í 30 – 40 mínútur á miðlunghita og sigtið svo soðið.

Hitið olíu á pönnu og steikið sveppina þar til þeir eru farnir að brúnast, bætið blaðlauk, selleríi, brokkólí og hvítlauk á pönnuna og steikið á miðlungshita í um 10 mín. Bætið við 1 dl af kjúklingasoðinu til að bleyta aðeins upp í grænmetinu. Setjið svo timían, salt og pipar saman við. Takið af hitanum og geymið í skál.

Á sömu pönnu á miðlungshita, án þess að þvo hana á milli, bræðið smjör og setjið hveitið saman við. Hrærið vel í og bætið kjúklingasoðinu við í smáum skömmtum og hrærið vel í á milli, það er gert til þess að fá kekkjalausa sósu. Þegar áferðin á sósunni er orðin eins og þykk súrmjólk, setjið þá steikta grænmetið, kjúklinginn og grænu baunirnar saman við. Látið krauma í dálitla stund og hellið rjómanum út í. Setjið að lokum sítrónusafann og börkinn út í. Látið vera á pönnunni þangað til kjúklingurinn er aðeins byrjaður að losna í sundur. Smakkið og bætið við salti og pipar ef ykkur finnst það vanta. Takið af hitanum, setjið á fat og látið kólna.

Skiptið blöndunni í nokkur lítil eldföst mót eða eitt stórt. Fletjið út smjördeigið þar til það er orðið helmingi stærra en það var og setjið ofan á mótið. Það er gott að pensla brúnirnar með egginu til að festa smjördeigið, penslið svo yfirborðið, skerið 2 raufar í það og stráið timíani yfir.

Bakið í um 25 mínútur eða þar til deigið er orðið fallega gyllt á litinn.

Umsjón / Gunnar Helgi Guðjónsson
Stílisti / Ólöf Jakobína Ernudóttir
Ljósmyndari / Hákon Davíð Björnsson

Gestgjafinn er vandað fagtímarit um mat, vín og ferðalög. Allar uppskriftir í matarþáttum blaðsins eru þróaðar, eldaðar og prófaðar í tilraunaeldhúsi Gestgjafans. Blaðið fæst í öllum helstu matvöruverslunum og bókabúðum en einnig er hægt að gerast áskrifandi í vefverslun.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Eina fagtímaritið um mat og vín á Íslandi

Gestgjafinn

Tryggðu þér áskrift á 1.790 kr. á mánuði eða kauptu stakt blað á 1.890 kr.

- Auglýsing -

Orðrómur

Helgarviðtalið

Lestu meira

Nauta-carpaccio og vínin sem passa með

Í nýjasta Gestgjafanum segja þeir Örn Erlingsson matreiðslumaður og Grétar Matthíasson, matreiðslu- og framreiðslumaður, lesendum frá Facebook-hópnum Þarf alltaf...

Nýtt í dag

Í fréttum er þetta helst...

Mest lesið í vikunni

- Auglýsing -