• Orðrómur

Klikkaður kjúklingaréttur – fljótlegur og góður

Efnisorð

Deila

- Auglýsing -

Frábær hugmynd að kvöldmat. Þessari uppskrift er líka auðvelt að breyta til að bjarga grænmeti í kæliskúffunni sem annars gæti endað í ruslinu.

 

Sesam-kjúklingur á pönnu – 20 mín.
fyrir 4

3 dl basmati-hrísgrjón
1 tsk. salt
1 tsk. nýmalaður svartur pipar
½ dl sesam-olía
4 cm af engiferrót, afhýdd og skorin í þunnar sneiðar
8 vorlaukar, skornir í sneiðar
4 hvítlauksgeirar, skrældir og flattir með flötu áhaldi
½ tsk. chili-flögur
u.þ.b. 700 g kjúklingalæri eða bringur, skorin í 4 cm stóra bita
1 dl ristaðar jarðhnetur
3 msk. mirin
2 msk. sojasósa
4 döðlur, sneiddar
100 g snjóbaunir, heilar eða skornar í bita
1 límóna, skorin í sneiðar

- Auglýsing -

Byrjið á að sjóða hrísgrjónin samkvæmt leiðbeiningum á pakkningu. Hitið helminginn af sesam-olíunni á pönnu, bætið engifer, vorlauk, hvítlauk og chili-flögum á pönnuna og steikið í 4 mín, eða þar til hvítlaukurinn gyllist. Hellið afganginum af sesam-olíunni út á pönnuna og bætið kjúklingnum og jarðhnetunum saman við.

Steikið og snúið kjúklingnum reglulega þar til hann gyllist á hliðunum, u.þ.b. 5 mín. Bætið mirin út á pönnuna ásamt 3 msk. af vatni, soja-sósu og döðlum og eldið þar til kjúklingurinn hefur eldast í gegn og sósan þykknað, u.þ.b. 5 mín. Bætið snjóbaunum út á pönnuna og veltið upp úr sósunni.

Berið fram með hrísgrjónum og límónusneiðum.

- Auglýsing -

Auðvelt er að breyta uppskriftinni til að bjarga grænmeti í kæliskúffunni sem annars gæti endað í ruslinu, brokkolí, gulrætur og rauð paprika koma t.d. vel til greina. Ef kjúklingabringur eru notaðar í stað læra er best að stytta eldunartímann svo að bitarnir verði ekki of þurrir.

Texti / Bergþóra Jónsdóttir og Nanna Teitsdóttir
Stílisti / Hanna Ingibjörg Arnarsdóttir
Myndir / Hákon Davíð Björnsson

Veistu meira um málið?

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Litríkt og ljúffengt á vorlegum nótum

Nýtt blað Gestgjafans er komið út og að þessu sinni erum við á vorlegum nótum. Blaðið er...

Ostafranskar með beikoni og blámygluosti

Hver elskar ekki franskar? Hér kemur uppskrift að spennandi og djúsí rétti þar sem beikon og blámygluostur...

Nýtt í dag

Í fréttum er þetta helst...

Mest lesið í vikunni

- Auglýsing -