Ljúffeng ísterta með karamellusósu

Efnisorð

Deila

- Auglýsing -

Þessa köku má gera með allt að þriggja mánaða fyrirvara og er bráðsniðugt að vera með ístertur, sem má gera með svona löngum fyrirvara, á hlaðborðinu í fermingaveislunni. Karamellusósuna er best að laga samdægurs.

 

Karamelluísterta

12 sneiðar

Kakan

- Auglýsing -

4 eggjahvítur
1 dl bruður eða tvíbökur, malaðar
2 dl sykur
150 g möndlur, malaðar

Hitið ofninn í 150°C. Þeytið eggjahvíturnar stífar. Bætið bruðum, sykri og möndlum varlega út í. Teiknið tvo 22-24 cm hringi á bökunarpappír og setjið á ofnplötur. Skiptið deiginu á hringina á plötunum. Bakið botnana í 20 mín. Látið botnana kólna í 2-3 mín. En losið síðan pappírinn af.

Ísinn

- Auglýsing -

4 eggjarauður
3 msk. flórsykur
2 tsk. vanilludropar
3 dl rjómi, léttþeyttur

Hrærið rauður og sykur mjög vel saman eða þar til blandan er ljós og kremkennd. Blandið þeyttum rjóma út í eggjablönduna ásamt vanilludropum. Setjið annankökubotninn í 22-24 cm breitt smelluform.

Hellið ísblöndunni ofan á botninn og setjið hinn kökubotninn ofan á. Frystið. Takið kökuna úr frysti og látið hana standa á borði í 30 mín. áður en hún er borin fram. Skreytið hana með því að hella karamellusósu yfir hana og berið sósu fram með kökunni.

- Auglýsing -

Karamellusósa

150 g súkkulaðikúlur
¾-1 dl rjómi

Bræðið kúlur og rjóma saman við vægan hita. Setjið fyrst minna af rjóma og bætið síðan við þar til passlegri þykkt er náð.

Umsjón / Sigríður Björk Bragadóttir og Kristín Dröfn Einarsdóttir
Stílisti / Ólöf Jakobína Ernudóttir
Myndir / Hákon Davíð Björnsson

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -