2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

„Með góðra vina hjálp hafðist þetta á endanum“

Í byrjun mars var opnaður fjölskylduveitingastaðurinn 20&SJÖ við Víkurhvarf 1 í Kópavogi. Eigendur eru hjónin Helgi Sverrisson og Arndís Þorgeirsdóttir. Gestgjafinn kíkti í heimsókn til þeirra á dögunum og afrakstur þess má finna í nýjasta tölublaðinu, 5. tbl. 2020.

 

„Við höfum lengi átt þann draum að opna veitingastað og velt fyrir okkur margvíslegum hugmyndum síðustu árin. Okkur langaði ekki að opna veitingastað í 101 þannig að fyrir alllöngu fórum við að skoða okkur um í úthverfunum. Við skoðuðum húsnæði víða en það má segja að Víkurhvarfið hafi heillað mest, ekki síst fyrir þær sakir að plássið er mikið og útsýnið yfir Elliðavatn er hreint út sagt magnað,“ segir Arndís.

Fallegt útsýni yfir Elliðavatn er frá veitingastaðnum. Mynd/Hallur Karlsson

Þau tóku við húsnæðinu snemma síðasta haust og hugmyndin var að opna fyrir jól. „Hönnun og undirbúningsvinna hófst hins vegar snemma á síðasta ári. Framkvæmdir reyndust þó aðeins flóknari en við áttum von á en með góðra vina hjálp hafðist þetta á endanum og við opnuðum 11. mars. Við eigum þó eftir að bæta nokkrum hlutum við og gerum það bara í rólegheitunum næstu mánuði.“

AUGLÝSING


Svínarif sem elduð eru í sérstökum reykofni. Mynd/Hallur Karlsson

Helgi er yfirmatreiðslumaður 20&SJÖ og hann segir að matseðillinn sé fjölbreyttur auk þess sem gott úrval sé af léttum vínum.

5. tbl. Gestgjafans 2020.

„Við bjóðum upp á mikið af okkar uppáhaldsmat og má segja að meginuppistaðan sé matur ættaður frá suðurríkjum Bandaríkjanna, New York og löndunum við Miðjarðarhafið,“ segir Helgi. „Við bjóðum upp á svínarif, brisket og pastrami sem við eldum í amerískum reykofni. Notaður er viður í reykofninum sem gefur kjötinu gott reykbragð. Fyrir utan amerísk áhrif þá erum við með Miðjarðarhafsstíl líka, bökum flatbrauð og búum til okkar eigin hummusa, hefðbundinn og svartan svo dæmi sé tekið.“

Ítarlegra viðtal og allt um matinn og hönnunina á staðnum má finna í 5. tbl. Gestgjafans, 2020.
Tryggðu þér áskrift að Gestgjafanum í vefverslun

Lestu meira

Annað áhugavert efni