2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Nokkur frábær eldhúsráð sem allir ættu að kunna

Hér koma nokkur frábær eldhúsráð.

 

-Mörgum vex í augum að ná granatepla-fræjum úr ávextinum. Gott ráð er að skera hann í tvennt taka annan helminginn og halda honum yfir skál með því að láta fræhlutann snúa niður og banka í hann með kökukefli, þannig losna fræin.

-Ekki henda ysta hluta parmesan-ostsins sem er orðin harður, hann er bragðmikill og alls ekki ónýtur. Best er að rífa hann niður setja í poka og frysta eða geyma í ísskápnum. Það er svo hægt að nýta hann út á pasta eða risottó, í súpur og samlokur eða það sem manni dettur í hug.

-Þegar hrísgrjón, bulgur eða kínóa er eldað er mjög gott að setja krydd út í vatnið. Við mælum með límónulaufum, anísstjörnum, kardimommubelgjum eða heilum piparkornum. Sigtið frá fyrir notkun.

AUGLÝSING


Vissir þú að það er hægt er að frysta pönnukökur í allt að tvo mánuði. Mynd / Unsplash

-Hægt er að frysta pönnukökur í allt að tvo mánuði. Bakið pönnukökur eins og venjulega og látið þær kólna alveg. Setjið smjörpappír á milli pönnukakana og látið inn í stóran rennilásapoka eða box með þéttu loki. Þegar á að gæða sér á pönnukökunum takið þær úr frysti og látið þiðna við stofuhita. Einnig er hægt að velgja þær á heitri pönnu í stutta stund áður en þær eru bornar fram.

-Ef grænmeti ofeldast og verður næstum að mauki í ofninum eða pottinum, notið það í súpur, ekki henda því. Einnig er sniðugt að nota afganga af t.d. brokkóli og gulrótum í grænmetissúpur. Einfalt er að skella grænmetinu í blandara, setja grænmetistening saman við, rjómaost, rjóma eða kókosmjólk, smakka til með salti og pipar og þessi dýrindis súpa er tilbúin.

Ekki missa af þessum

Annað áhugavert efni