Pastaréttur sem æsir alla

Efnisorð

Deila

- Auglýsing -

Ítölsk matargerð er í miklu eftirlæti hjá mörgum og gaman að töfra fram frábæra ítalska veislu. Hér er dásamlegur pastaréttur frá hinum metnaðarfulla kokki Theódór Smith, eða Tedda.

Gráðosta-tagliatelle

fyrir 2

200 g tagliatelle-pasta
250 g nautalund
100 g gráðostur (allra best væri að nota gorgonzola ef hann er fyrir hendi)
2 hvítlauksgeirar
½ tsk. nautakraftur
½ lítri rjómi
salt og pipar

Sjóðið pastað eftir leiðbeiningum á pakkanum. Rjóminn er settur í pott og soðinn í um 5 mín. ásamt nautakraftinum og bragðbætt með salti og pipar. Því næst er gráðostinum bætt út í og látið malla í 4-5 mín. í viðbót. Á meðan sósan er að malla er hituð panna með ólífuolíu. Nautið er skorið í grófa bita og hvítlaukurinn saxaður smátt og því skellt saman á pönnuna og brúnað. Þegar kjötið er orðið fallega brúnt má hella gráðostasósunni út í ásamt einum dl af rifnum parmesanosti. Að lokum er soðna pastað sett út í og öllu blandað saman. Þegar sett er á diska er fallegt að skreyta með parmesan og steinselju.

Umsjón / Theodór Smith
Stílisti / Ólöf Jakobína Ernudóttir
Myndir / Heiðdís Guðbjörg Gunnarsdóttir

- Auglýsing -

Athugasemdir

Lestu meira