2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Rabarbara- og bláberjaeftirréttur með chia-fræjum

Hér kemur ferskur og fallegur eftirréttur sem gleður bragðlaukana. Uppskriftin er fyrir fjóra.

 

Rabarbaramauk

350 g rabarbari, skorinn í bita
1 vanillustöng
3/4 dl sykur
1/2 dl vatn

Setjið rabarbara í pott, skafið fræin úr vanillustönginni og merjið saman við sykurinn með gaffli. Setjið vanillusykurinn, restina af vanillustönginni og vatn í pottinn og sjóðið saman í 10-15 mín. eða þar til rabarbarinn fer að losna í sundur. Látið kólna.

AUGLÝSING


Chia-búðingur

3 dl kókosmjólk
3 msk. chia-fræ
3-4 tsk. hunang
1/2 tsk. vanilludropar
börkur af 1 sítrónu

Blandið öllu saman og setjið í kæli í a.m.k. 1 klst. Bragðbætið með hunangi ef þarf (kókosmjólk er mismunandi að sætleika eftir tegundum).

Marineruð bláber

150 g bláber
börkur af 1/2 sítrónu
1 msk. sítrónusafi
2 msk. sykur

Setjið allt saman í skál og blandið. Látið standa í kæli í a.m.k. 1 klst.

Setjið chia-búðing í glas og rabarbaramauk ofan á, síðan aftur chia-búðing og loks bláber. Endurtakið ef þarf til að fylla glasið. Dreypið gjarnan örlitlu hunangi yfir.

Lestu meira

Annað áhugavert efni