Saltfiskur – kemur sífellt á óvart

Síðan fyrsti óhefðbundni saltfiskrétturinn minn sló í gegn fyrir hartnær þrjátíu árum hef ég prófað mig áfram með þetta hráefni og möguleikarnir eru óendanlegir. Í dag nota ég oftast útvatnaðan fisk og eins og hér, hnakkastykki.

Saltfiskur með paprikusósu
fyrir 4

800 g saltfiskur, helst hnakkastykki

2 tsk. steinselja, þurrkuð

AUGLÝSING


nýmalaður svartur pipar

2 hvítlauksgeirar, saxaðir

Paprikusósa

1 rauð paprika, skorin í bita

1 appelsínugul paprika, skorin í bita

1 skalotlaukur, afhýddur og skorinn í bita

½-1 msk. kjúklingasoð (Fond frá Oscar) eða vatn og teningur

2 tsk. sykur

1 tsk. hvítvínsedik

½ tsk. cayenne-pipar

salt og pipar

Hitið olíu í potti og steikið papriku og lauk í nokkrar mínútur. Gætið þess að það brenni ekki. Bætið þá kjúklingasoði, sykri, ediki og cayenne-pipar út í og saltið og piprið. Blandið öllu vel saman og látið krauma á vægum hita í 15-20 mín. Takið þá af hellunni og látið kólna örlítið. Maukið með töfrasprota eða setjið í matvinnsluvél.

Hitið ofninn í 170°C. Þerrið saltfiskbitana og kryddið því næst með steinselju, pipar og hvítlauk. Látið í eldfast mót og steikið í ofni í u.þ.b. 15 mín. (fer eftir þykkt bitanna). Berið fram með kartöflumús og paprikusósunni.

Saltfisksalat

Hér er fiskurinn  ,,eldaður“ í límónusafa með því að láta hann liggja í safanum í nokkrar klst. Réttur sem getur verið hvort sem er forréttur, smáréttur eða aðalréttur með góðu brauði.
fyrir 4

300 g saltfiskur, hnakkastykki, roðhreinsaður og skorinn í smáa bita

3 límónur, safinn

1 appelsína, skræld og skorin í sneiðar

2 msk. olía

svartur pipar, eftir smekk

1 lárpera, steinhreinsuð, skræld og skorin í bita

2 msk. svartar ólífur, grófsaxaðar

fersk kóríander, saxað

Appelsínu-aioli

2 dl majónes

1 hvítlauksgeiri, smátt saxaður

2 msk. appelsínusafi, nýkreistur

nokkur blöð basilíka, söxuð

svartur pipar

1 tsk. rifinn börkur af appelsínu

Blandið öllu saman í skál. Skreytið með appelsínuberki og basilíku.

Setjið saltfiskbitana í skál ásamt límónusafa, appelsínubitum og olíu. Kryddið með svörtum pipar. Blandið varlega saman og kælið í nokkrar klst. Bætið þá lárperu og ólífum út í og blandið saman. Stráið að síðustu fersku kóríander yfir og berið fram með appelsínu-aioli og snittubrauði.

Saltfisk-taco

Réttur sem gæti fengið þá sem ekki borða saltfisk til að prófa.
fyrir 4

olía

300 g saltfiskur, roðhreinsaður og skorinn í hæfilega bita

brauðrasp

Hitið olíu á pönnu. Veltið bitunum upp úr brauðmylsnu og steikið í olíu á pönnu á öllum hliðum þar til bitarnir eru orðnir gullinbrúnir. Takið af pönnunni og látið renna af þeim á eldhúspappír.

Sósa

2 dl majónes

2 hvítlauksgeirar, saxaðir

1-2 msk. sítrónusafi

¼ tsk. cayenne-pipar

ferskt kóríander, saxað (eða basilíka)

Blandið öllu vel saman í skál og kælið.

4-6 taco-skeljar

kínakál, saxað

2 plómutómatar, smátt saxaðir

2 lárperur, skrældar, steinhreinsaðar og skornar í bita

kóríander, saxað

Raðið í skeljarnar eftir smekk. T.d. kínakál, sósa, tómatar, lárpera, sósa, fiskur, kóríander.

Umsjón / Guðrún Hrund
Myndir / Aldís Pálsdóttir

Ekki missa af þessum

Annað áhugavert efni