2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Siggi Hall sér um jólahlaðborð Bryggjunnar

Siggi Hall, einn þekktasti veitingamaður landsins er genginn til liðs við veitingastaðinn Bryggjuna í Grindavík. Mun hann meðal annars sjá um matreiðslu fyrir jólahlaðborð þeirra í desember, Magnús Kjartansson og Helga Möller munu sjá um tónlistina.

„Bryggjan Grindavík tók nýverið í notkun nýjan glæsilegan veitingasal þar sem áður var netagerð. Salnum sem kallast Netagerðin, hefur verið breytt í 500 fermetra veitingasal auk þess að áfram starfar netagerð sem gestir geta fylgst með í gegnum glervegg. Bryggjan er orðin að menningar- og veitingahúsi sem býður upp á ýmsa möguleika fyrir viðburði eins og árshátíðir,  fundi og tónleika. Leyfi er fyrir 230 gesti í sæti í Netgerðarsalnum,“ segir í fréttatilkynningu frá Bryggjunni.

„Grindavík kemur oft upp í hugann sem eftirsóttur mataráfangastaður með sína frábæru fiskvinnslu. Ég sé fyrir mér að Grindavík muni styrkjast sem mikilvægur áfangastaður fyrir innlenda og erlenda ferðamenn,“ segir Siggi Hall.

„Hér erum við með besta hráefni í heimi í fiski, og hér á Bryggjunni er fiskurinn beint fyrir framan húsið. Það þýðir ekkert kolvetnisspor. Ég er spenntur fyrir þessu verkefni með Bryggjumönnum og að skapa spennandi ferðaþjónustufyrirtæki þar sem við getum boðið upp á rétti úr ferskum fiski, saltfiski, og bleikju úr okkar nánasta umhverfi“.

 

AUGLÝSING


 

Ekki missa af þessum

Annað áhugavert efni