Spennandi efni í nýjum Gestgjafa

Ágústblað Gestgjafans er nú að finna í helstu verslunum landsins og er sneisafullt af skemmtilegu og safaríku efni.

Uppskeran er farin að láta á sér kræla og við bjóðum upp á ýmsa kræsilega rétti úr henni, finna má uppskriftir að grænmetisréttum, safaríkum salötum, sultum, sveitabökum og hvernig best má nýta nýtínd bláber. Einnig má finna nýstárlegra efni en við ræddum við Vilmund Hansen garðyrkjufræðing sem fræðir lesendur um ætar plöntur og blóm og Guðríður Ragnarsdóttir segir frá reynslu sinni við að tína og nota íslenskar jurtir í matargerð.

Vínsíður Dominique eru á sínum stað þar sem hún segir lesendum frá helstu fréttum úr vínheiminum og mælir með spennandi vínum. Hrefna Sætran bauð í japanska matarveislu og deilir uppskriftum með lesendum og barþjónninn Daníel Michaelsson spjallaði við okkur um kokteila og barmenningu á Íslandi. Þetta og margt margt fleira í nýjasta eintaki Gestgjafans!

Mynd á forsíðu / Aldís Pálsdóttir
Mynd af smákökum / Hallur Karlsson

Ekki missa af þessum

Engar færslur fundust.

Annað áhugavert efni