Miðvikudagur 27. mars, 2024
-0.2 C
Reykjavik

Súkkulaðibomba fyrir sælkera – Svolítið öðruvísi

VefTv

- Auglýsing -

Hlaðvörp

- Auglýsing -

Þessi baka er dásamleg en kasjúhnetu-sinnepsgljáinn gefur nýstárlegt og skemmtilegt bragð sem lyftir bökunni upp á annað stig. Spennandi og svolítið öðruvísi. Okkur þykir nauðsynlegt að bera fram þeyttan rjóma með þessari böku.

Súkkulaðibaka með kasjúhnetu- og sinnepsgljáa
10-12 sneiðar

180 g hveiti
100 g smjör
140 g sykur
1 tsk. salt
1 egg
100 g smjör
400 g dökkt súkkulaði, 56%
200 g sýrður rjómi
3 egg
3 eggjarauður

Hitið ofninn í 180°C. Setjið hveiti, smjör, sykur, salt og egg í hrærivélarskál, notið deig-krókinn og hrærið þar til deigið losnar frá skálinni og myndarlegur deigbolti hefur myndast. Bætið við hveiti ef deigið er of blautt. Pakkið deiginu í plastfilmu og geymið í kæli í 30 mín.

Fletjið deigið þá út og setjið í smurt bökuform, um 22-23 cm stórt. Látið deigið ná upp á brúnir formsins. Setjið bökunarpappír ofan á deigið og síðan farg, t.d. hráar kjúklingabaunir.

Bakið í 20 mín., takið út úr ofninum, fjarlægið pappírinn og fargið.
Lækkið hitann í 150°C.

Bræðið smjör og súkkulaði yfir vatnsbaði, látið kólna og blandið síðan sýrðum rjóma saman við ásamt eggjum og eggjarauðum. Setjið yfir botninn og setjið kökuna aftur inn. Bakið í ofni í 30 mín. Látið aðeins kólna og skreytið með kasjúhnetunum. Berið fram með rjóma.

- Auglýsing -

Kasjúhnetu- og sinnepsgjlái

100 g kasjúhnetur
6 msk. hunang
2 msk. hunangssinnep
2 msk. vatn

Ristið kasjúhneturnar á þurri pönnu, setjið til hliðar. Setjið hunang, sinnep og vatn á pönnuna og blandið vel. Blandið hnetunum saman við og látið malla svolitla stund, eða í 2-4 mín. Látið kólna á smjörpappír.

Umsjón / Bergþóra Jónsdóttir
Mynd / Aldís Pálsdóttir
Stílisti / Hanna Ingibjörg Arnarsdóttir

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Eina fagtímaritið um mat og vín á Íslandi

Gestgjafinn

Tryggðu þér áskrift á 1.790 kr. á mánuði eða kauptu stakt blað á 1.890 kr.

Nýtt í dag

Mest lesið í vikunni

Raddir

Í fréttum er þetta helst...

- Auglýsing -