Súkkulaðiís með kaffilíkjör

Ljúffengur eftirréttur sem hentar vel við hátíðleg tækifæri.

SÚKKULAÐIÍS MEÐ KAFFILÍKJÖR
fyrir 8-10

Súkkulaðiís með kaffilíkjör.

Hér er ísinn fyrir þá sem eru fyrir tíramísú.

1 dl espressó (lagað sterkt kaffi)
2 msk. sykur
250 g mascarpone-ostur
3 dl rjómi
3 msk. flórsykur
20 fingurkökur (ladyfingers)
14 amaretti-kökur
2 msk. romm
2 msk. kaffilíkjör
100 g súkkulaði, saxað smátt

AUGLÝSING


Hrærið espressó og sykur saman og látið kólna. Skiptið kaffinu í 3 skálar og bætið rommi í eina og kaffilíkjör í aðra. Hrærið ostinn, rjómann og flórsykurinn saman ásamt kaffinu í skálinni sem ekki er bragðbætt. Setjið filmuplast á botninn á aflöngu formi u.þ.b. 20 cm á lengd. Vætið helminginn af fingurkökunum í rommkaffinu og raðið á botninn, sáldrið svolitlu af súkkulaði yfir. Smyrjið ⅓ af kreminu ofan á. Vætið amaretti-kökurnar í líkjörskaffinu og raðið ofan á, sáldrið svolitlu af súkkulaði yfir. Smyrjið ⅓ af kreminu þar ofan á. Setjið nú fingurkökur vættar í því sem eftir er af kaffinu ofan á, sáldrið svolitlu af súkkulaði yfir, og afganginn af kreminu ofan á það. Frystið.

OFAN Á:

Rocher-molar, skornir í 4 bita, eða annað sælgæti sem er fallegt

70 g súkkulaði, skorið þvert á stykkið í flögur

Losið ísinn úr forminu og setjið á aflangt fat. Skreytið með súkkulaði og sælgæti. Sigtið flórsykur ofan á.

Ekki missa af þessum

Annað áhugavert efni