• Orðrómur

Næringarík súpa með kjarngóðum sælkerapylsum

Efnisorð

Deila

- Auglýsing -

Fékkstu fullt af matargóðgæti í jólagjöf sem þú veist ekki alveg hvernig þú getur notað? Til dæmis ýmiskonar sælkerapylsur? Hér er frábær matarmikil uppskrift að súpu sem gott er að grípa til núna milli jóla og nýjárs og ekki hika við að breyta og bæta eftir því sem til er í ísskápnum.

 

Matarmikil súpa með spænskri pylsu

fyrir 6 

Þessi súpa gefur fjölbreytta næringu, inniheldur fullt af grænmeti, pasta, tómata, pylsu og baunir. Þetta er nú bara tillaga að góðri súpu en sniðugt er að nota grunnhugmyndina, bæta og breyta, taka aðeins til í kæliskápnum og nýta afgangana. Spænska pylsan gefur súpunni kjarnmikinn grunn.

Þessi súpa inniheldur fullt af grænmeti, pasta, tómata, pylsu og baunir.

3 msk. olía
1 laukur, saxaður
2 hvítlauksgeirar, marðir
1 stór kartafla eða rófa í bitum
½ steinseljurót, afhýdd og söxuð (má sleppa)
2 gulrætur, saxaðar
1 choritzo-pylsa
1 ½ lítri vatn
4 tsk. eða 2 kubbar grænmetiskraftur
4-5 tómatar, saxaðir, eða 400 g tómatar í dós
1 msk. tómatmauk
25 g heilhveitipasta
50 g grænkál eða annað grænt kál, sneitt
½  dós hvítar soðnar baunir, gjarnan smjörbaunir, safi sigtaður frá
salt og pipar
ferskt basilikum, saxað
rifinn ostur
Hitið olíuna í potti og steikið lauk, kartöflur, rót og gulrætur í 5 mín. Steikið pylsuna með í 2-3 mín. Bætið vatni, grænmetiskrafti og tómat og tómatmauki út í og látið sjóða í 15 mín. Bætið pasta, í og látið sjóða áfram í 10 mín.
Látið grænkál og baunir sjóða með síðustu 5 mínúturnar. Hellið súpunni í skálar og setjið jafnvel saxaða basiliku og rifinn ost ofan á. Berið fram með góðu brauði og viðbiti.
Umsjón / Sigríður Björk Bragadóttir
Mynd / Ernir Eyjólfsson
Stílisti / Ólöf Jakobína Ernudóttir

Veistu meira um málið?

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Ostafranskar með beikoni og blámygluosti

Hver elskar ekki franskar? Hér kemur uppskrift að spennandi og djúsí rétti þar sem beikon og blámygluostur...

Nýtt í dag

Í fréttum er þetta helst...

Mest lesið í vikunni

- Auglýsing -