Svalandi límonaði í sólinni

Í gamla daga áður en gos varð jafnalmennt og nú var gjarnan búið til límonaði. Það er mjög ljúffengt og þótt þurfi að nota mikinn sykur á móti sítrónunni er líka mikið af C-vítamíni í drykknum. Upplagt til að skapa gamaldags stemningu í garðveislunni í sumar.

Límonaði
fyrir 4-6

2 dl sykur
2 ½ dl vatn
2 ½ dl sítrónusafi (4-6 sítrónur)

Sjóðið sykur og vatn saman þar til sykurinn er uppleystur. Hellið í skál og bætið sítrónusafa út í. Bætið u.þ.b. 8-10 dl af köldu vatni út í og smakkið til. Kannski viljið þið hafa blönduna veikari og nota meira af vatni.

Sykurkantur á glös:

AUGLÝSING


Setjið eggjahvítu og sykur í sitt hvora skálina. Dýfið glasröndinni í eggjahvítuna og síðan í sykurinn.

Umsjón / Sigríður Björk Bragadóttir
Myndir / Rakel Ósk Sigurðardóttir
Stílisti / Ólöf Jakobína Ernudóttir

Ekki missa af þessum

Annað áhugavert efni