2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Taco með tígrisrækjum – sælkeraveisla fyrir bragðlaukana

Taco er frábær réttur sem sameinar sælkerabragð, hollustu og einfaldleika og því tilvalið að bjóða upp á hann í miðri viku. Í þessari uppskrift eru tígrisrækjur en þeim má auðveldlega skipta út fyrir annan próteingjafa.

 

TÍGRISRÆKJUR

fyrir 3-4

500 g stórar tígrisrækjur
1 msk. sjávarsalt
1 dl kryddlögur (sjá hér fyrir neðan)

Setjið rækjurnar í kryddlöginn og látið standa í 1 klst. Setjið á grillpinna, saltið og grillið í 4 mín. á hvorri hlið eða þar til þær eru orðnar bleikar, þéttar í sér en gegnsæjar í miðjunni. Það er mjög gott að setja þær á mjúkt lítið taco með klettasalati chili-sósu, pikkluðum rauðlauk, lárperu og sýðrum rjóma.

AUGLÝSING


Kryddlögur
börkur af 3 límónum
4 rauð chili-aldin
1 hvítlaukur, afhýddur
1 msk. kumminduft
½ msk. nýmalaður svartur pipar
3 dl bragðlítil olía
2 msk. kóríanderfræ (má sleppa)

Setjið allt í blandara og blandið vel. Þetta er svolítið stór uppskrift en kryddlögurinn geymist í kæli í um 2 vikur. Hann hentar á mjög margt, gefur smávegis hita og gott bragð. Athugið að það er ekki salt í kryddleginum og því er nauðsynlegt að salta rétt áður en þið grillið.

Umsjón / Gunnar Helgi Guðjónsson
Ljósmyndari / Aldís Pálsdóttir
Stílisti / Ólöf Jakobína Ernudóttir

Lestu meira

Annað áhugavert efni