2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Þorskur í tómatbasilíku – fullkominn forréttur á áramótum

Þar sem margir eru með steikur í matinn á áramótunum er ekki úr vegi að hafa fisk í forrétt til að létta aðeins á máltíðinni og hafa pláss fyrir aðalréttinn, eftirréttinn og kokteilana. Hér kemur uppskrift að einum góðum.

 

Þorskur í tómatbasilíku – undribúið þennan rétt daginn áður
fyrir 4

400 g þorskur
2 dl basilíka
¼ rautt chili-aldin
2 dl olía
2 msk. brauðrasp
1 tsk. steinselja, söxuð
½ hvítlauksgeiri, smátt saxaður
2 msk. olíla
1 lítill rauðlaukur, skorinn í strimla
8 kokteiltómatar
1 tsk. síróp

Skerið þorskinn í 4 jafna bita og maukið basilíku, chili-aldin og olíu í matvinnsluvél eða með töfrasprota. Látið fiskinn í eldfast mót og setjið maukið yfir og látið standa yfir nótt. Blandið saman brauðraspi, steinselju og hvítlauk og sáldrið yfir fiskinn, ágætt að eiga smávegis til skrauts.

AUGLÝSING


Hitið ofninn í 120°C. Setjið eldfasta mótið í ofninn og bakið í 10-15 mínútur. Á meðan fiskurinn er í ofninum steikið þá rauðlaukinn og tómatana upp úr olíu og hellið sírópinu saman við og steikið í 1-2 mínútur, kryddið með salti og pipar.

Látið fiskinn á fallegan disk og laukinn og tómatana yfir.

Uppskriftir / Theodór Smith
Texti / Hanna Ingibjörg Arnarsdóttir
Stílisti / Ólöf Jakobína Ernudóttir
Myndir/  Hákon Davíð Björnsson

Lestu meira

Annað áhugavert efni