Miðvikudagur 27. mars, 2024
2.8 C
Reykjavik

Þessi var kosin besta súkkulaðikakan – slær allstaðar í gegn

VefTv

- Auglýsing -

Hlaðvörp

- Auglýsing -

Fyrir nokkrum árum bökuðum við fjórar mismunandi súkkulaðikökur og fimm forfallnir kökusælkerar smökkuðu afraksturinn og gáfu einkunn. Skemmst er frá því að segja að þessi uppskrift stóð uppi sem sigurvegari og flestir í dómnefndinni fengu sér auka sneið af henni eftir að hafa borðað fjórar seiðar af súkkulaðikökum. Það er því óhætt að mæla með þessari kökur, hún er dásamleg með ísköldu mjólkurglasi eða eðal kaffi og einnig er hún góð með Earl Gray tei.

DJÖFLATERTA
10-12 sneiðar

BOTNAR:
80 g súkkulaði,
130 g smjör, mjúkt
280 g púðursykur
3 msk. kakó
3 egg
2 tsk. matarsódi
280 g hveiti
1 dl jógúrt
2 -3 tsk. vanilludropar
2 dl sjóðandi vatn

súkkulaðikaka
Gómsæt og girnileg.

Hitið ofninn í 180°C. Bræðið súkkulaðið yfir vatnsbaði. Hrærið saman smjör og sykur þar til það er mjög vel samlagað eða í 5-6 mín. Bætið eggjum út í einu í einu og hrærið mjög vel saman við. Bætið bræddu súkkulaði út í og hrærið saman við.

Sigtið hveiti, kakó og matarsóda saman og bætið út í ásamt jógúrt og vanilludropum, hrærið þetta saman þar til allt er vel blandað. Hellið sjóðandi vatni út í á meðan hrærivélin gengur á lægstu stillingu og hrærið það saman við deigið. Smyrjið 2 x 24-26 cm form og skiptið deiginu í formin. Bakið botnana í 20-25 mín. Takið botnana úr formunum og látið þá kólna.

Leggið botnana saman með hluta af kreminu og þekið síðan kökuna með kreminu. Það er fallegt að hafa kökuna slétta en líka flott að gera lautir í kremið með hníf. Skreytið annaðhvort með rifnu súkkulaði eða kókosmjöli.

KREM:
200 g smjör, mjúkt
1 dl kakó
350 g flórsykur, sigtaður
½ dl mjólk
1 tsk. vanilludropar
½ tsk. skyndikaffiduft

- Auglýsing -

Hrærið allt saman og leggið kökuna saman með kreminu.

Berið kökuna fram með þeytturm rjóma ef vill.

Uppskrift / Sigríður Björk Bragadóttir
Stílisti / Hanna Ingibjörg Arnarsdóttir
Mynd / Aldís Pálsdóttir

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -