Blómapönnukökur

Efnisorð

Deila

- Auglýsing -

Ákveðnar tegundir sumarblóma eru ekki bara til prýðis, þær eru ætar og bragðgóðar líka eins og þessar uppskriftir sanna.

10-12 stk

150 g hveiti

¼ tsk. salt

1 ½ tsk. lyftiduft

2 tsk vanilluduft eða dropar

3 dl mjólk

3 egg

3 msk. smjör, bráðið

æt blóm, eins og fjólur og morgunfrúr

Blandið þurrrefnum saman og hellið svo mjólkinni saman við og hrærið í kekkjalaust deig. Bætið eggjunum út í deigið og hrærið áfram. Setjið smjörið út í síðast. Prófið fyrst að baka eina pönnuköku til að athuga þykkt og hitastig. Pönnukökurnar eiga að vera þunnar og bakast við meðalhita, stillið á aðeins minni hita en þið eruð vön að gera. Hafið blómin tilbúin, setjið deig á pönnuna og á meðan pönnukakan bakast öðrum megin, raðið blómunum á óbökuðu hliðina og þrýstið léttilega á þau og snúið svo kökunni við. Gott að bera pönnukökurnar fram með sneiddum banönum, jarðarberjum, rjóma, nutella eða súkkulaðisósu.

Umsjón / Bergþóra Jónsdóttir og Nanna Teitsdóttir

Mynd / Hallur Karlsson

- Auglýsing -

Athugasemdir

Lestu meira