2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Crostini með þeyttum rjómaosti, fíkjum, heslihnetum og hunangi

Eftirmiðdagste á sér langa sögu í Bretlandi. Ein sagan segir að í kringum 1840 hafi Anna, hertogaynja í Bedford, þurft eitthvað til að seðja hungrið fram að kvöldverði en í þá daga var borðað tvisvar á dag.

 

Þá tók hún upp á því að panta sér te, kökur og brauð. Þetta komst fljótt í tísku hjá aristókrötum samfélagsins á Viktoríutímabilinu í Bretlandi. Þar með hófst eftirmiðdagstemenningin sem nýtur enn í dag mikilla vinsælda.

Crostini með þeyttum rjómaosti, fíkjum, heslihnetum og hunangi

fyrir 8

Gott er að skera brauðið örlítið á ská til að fá lengri sneiðar. Þetta er afar einfaldur réttur og því skiptar gæði hráefnisins miklu máli.

AUGLÝSING


½ steinbakað baguette-brauð
80 g rjómaostur, léttþeyttur í hrærivél
4-6 ferskar fíkjur
heslihnetuflögur, til skrauts
fljótandi hunang

Hitið ofn í 180°C. Skerið 8 sneiðar af brauðinu og raðið á bökunarplötu með bökunarpappír á.

Setjið nokkra dropa af ólífuolíu yfir brauðið og bakið í ofni í 5-7 mín. takið úr ofninum og látið kólna. Þeytið rjómaostinn í u.þ.b. 3 mín. á miðlungshraða. Skerið fíkjurnar í sneiðar.

Smyrjið brauðið með rjómaostinum og raðið fíkjunum á. Dreifið heslihnetunum yfir fíkjurnar og setjið hunang yfir rétt áður en borið er fram.

Umsjón / Folda Guðlaugsdóttir
Stílisti / Hanna Ingibjörg Arnarsdóttir
Myndir / Hákon Davíð Björnsson

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum