2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Fljótlegur asískur kjúklingaréttur

Kjúklingur er þægilegt og gott hráefni sem hentar í marga rétti enda er hann vinsæll meðal Íslendinga. Hægt er að fá bæði tilbúnar bringur, leggi og læri ásamt heilum kjúklingi í öllum helstu matvörubúðum. Einnig fæst hérlendis  allskonar krydd og sósur frá hinum ýmsu löndum og því ber vissulega að fagna. Um að gera að prófa sig áfram og taka bragðlaukana í örlítið ferðalag til annara heimshluta.

Þessi réttur er innblásinn af matargerð Austur-Asíu og flokkast undir svo kallaða “stir-fry” eða snögg steikt matagerð. Uppistaðan í réttinum er kjúklingur sem hefur verið skorinn í bita en hann er borinn fram með jarðhnetum og chili-aldin.

 

 

AUGLÝSING


 

 

 

 

Kung Pao kjúklingur
fyrir 4

60 ml hrísgrjónaedik
60 ml sojasósa
1 msk. maíssterkja (maizena)
1.2 kg kjúklingalæri án beins snyrt og skorin í miðlungsstóra bita
1 msk. olía
7 vorlaukar, skornir í þunnar sneiðar
3 hvítlauksgeirar, saxaðir smátt
2 msk. engifer, fínt saxað
100 g salthnetur
3 msk. balsamedik
8 heilir þurrkaðir chili (fæst í asískum matvörubúðum) eða 2 msk. þurrkaðar chili-flögur
hvít hrísgrjón soðin
ferskur kóríander

Blandið saman Í skál hrísgrjónaediki, sojasósu og maíssterkju þar til allt hefur samlagast vel. Blandið kjúklingnum saman við og látið marinerast í 30 mín. Hitið olíu á stórri pönnu á miðlungsháum hita. Setjið á pönnuna vorlauk, hvítlauk og engifer. Eldið saman í 3 mín. eða þar til hvítlaukurinn er byrjaður að gyllast. Hrærið í allan tímann. Bætið kjúklingnum á pönnuna og eldið saman þar til kjúklingurinn er eldaður í gegn. Blandið hnetum, balsamediki og chili saman við kjúklinginn og eldið í 2 mín. til viðbótar. Berið fram með soðnum hrísgrjónum og ferskum kóríander.

 

Umsjón/Folda Guðlaugsdóttir

Stílisti/Hanna Ingibjörg Arnarsdóttir

Mynd/Aldís Pálsdóttir

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum