2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Grískur lambaborgari með fetaostfyllingu

Gott hakk er undirstaðan í góðan klassískan hamborgara, með gott hráefni í höndunum þarf ekki mikið meira en salt og pipar og málið er dautt.

 

Það er hins vegar líka gaman að prófa að bragðbæta hamborgara með ýmsu góðgæti, t.d. kryddi, grænmeti eða ostum. Hér er hugmynd að skemmtilegum hamborgara, ásamt spennandi sósu sem smellpassar með.

Grískur lambaborgari með fetaostfyllingu
4 stk.

400 g lambahakk
8 stk. grænar ólífur, smátt saxaðar
rifinn börkur af 1 sítrónu
hnefafylli fersk mintulauf, smátt söxuð
1 tsk. þurrkað óreganó eða 2 msk. ferskt
1 hvítlauksgeiri, marinn
gróft sjávarsalt
nýmalaður svartur pipar
50-100 g hreinn fetaostur, mulinn

AUGLÝSING


Blandið öllu, nema fetaosti, saman og skiptið í 8 hluta. Mótið litla hamborgara, setjið 1-2 msk. af fetaosti á milli tveggja borgara og mótið einn stóran úr þessum tveimur þannig að fetaosturinn sé inni á milli.

Steikið á heitri pönnu eða grilli og berið fram með hamborgarabrauði, jógúrtsósu og fersku grænmeti að vild.

Jógúrtsósa:

½  agúrka, fræhreinsuð og skorin smátt
3 dl grísk jógúrt
½  hvítlausgeiri, pressaður
hnefafylli fersk steinselja, smátt söxuð
1 msk. jómfrúarolía
2-3 tsk. sítrónusafi
gróft sjávarsalt
nýmalaður svartur pipar

Blandið öllu saman og bragðbætið með salti og pipar.

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum