2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Kornflexterta sem kætir kröfugöngufólk

Þeir sem fara í kröfugöngu 1. maí eiga skilið að fá góða köku þegar þeir koma heim með roða í kinnum og kalda fingur.

Hér er uppskrift að klassískri korflexmarensköku sem margir kannast eflaust við enda klikkar hún ekki í kjarabaráttunni! 

Kornflexterta

4 eggjahvítur

200 g sykur

AUGLÝSING


130 g kornflex

1 tsk. lyftiduft

1 tsk. vanilludropar

4 dl rjómi, þeyttur

Hitið ofninn í 160°C. Þeytið eggjahvítur og sykur mjög vel saman í 5-6 mín. Myljið kornflexið aðeins með höndunum og bætið út í, ásamt lyftidufti og vanilludropum. Hrærið þetta saman við með sleikju. Smyrjið 2 lausbotna 24cm breið form með olíu og skiptið deiginu á milli þeirra. Má líka setja á bökunarpappír á ofnplötur. Bakið botnana í 50 mín. Losið úr formunum og kælið. Leggið botnana saman með þeyttum rjóma. Smyrjið súkkulaðikreminu  ofan á, sjá uppskrift að neðan. 

Ofan á:

100 g 56 % súkkulaði (eða annað gott )

1 dl rjómi

2 eggjarauður

Bræðið súkkulaðið og rjómann saman við vægan hita í vatnsbaði, passið að blandan verði ekki of heit. Þeytið eggjarauðurnar saman í skál með handpísk í 1-3 mín. þær eiga að vera léttþeyttar. Hellið súkkulaðinu í mjórri bunu út í eggin. Blandið öllu vel saman og kælið í 10-15 mín. ef blandan er þunn (fer eftir hitanum á súkkulaðinu). Smyrjið kreminu á kökuna.

Uppskrift/Sigríður Björk Bragadóttir
Stílisti/Ólöf Jakobína Ernudóttir
Mynd/Mikko Rossi

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum