2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Kringlótt fræbrauð

Gróf brauð sem innihalda gróft mjöl og næringarríkar hnetur og fræ eru frábær kostur. Flest ættum við að auka neyslu á slíkri ofurfæðu, enda hafa rannsóknir sýnt að verulega vantar upp á að við séum að borða nóg af trefjum frá degi til dags. Gróf brauð eru því frábær uppspretta góðra kolvetna, líkt og ávextir og grænmeti.

 

Kringlótt fræbrauð

130 g hveiti
80 g muscovado-sykur eða púðursykur
100 g heilhveiti
60 g sólblómafræ, ristuð
50 g hörfræ
40 g hörfræmjöl
2 tsk. lyftiduft
1 tsk. salt
5 dl súrmjólk
½ dl olía
1 egg

AUGLÝSING


Hitið ofn í 175°C. Blandið öllum þurrefnum saman. Pískið súrmjólk, egg og olíu saman og blandið saman við þurrefnin. Klæðið form með bökunarpappír (hér var notað hringform) og dreifið deiginu í formið. Stráið gjarnan graskersfræjum yfir og bakið í u.þ.b. 1 klst.

Athugið að hægt er að búa til súrmjólk með því að setja 3-4 tsk. af sítrónusafa eða ediki í mæliskál, fylla síðan upp í það magn sem þarf með mjólk og láta þetta standa í nokkrar mín.

Texti og stílisti / Kristín Dröfn Einarsdóttir
Myndir / Hákon Davíð Björnsson

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum