2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Myndband: Sælkerabrauðterta fyrir byrjendur og grænmetisætur

Brauðtertur eiga hug okkar allan þessa dagana enda fátt skemmtilegra en að henda í eins slíka til hátíðabrigða. Hér ákváðum við að skella í eina sem allir geta gert, byrjendur jafnt sem lengra komnir, en þó slær hún ekkert af í bragði. Brauðtertan hentar líka vel fyrir þá sem borða ekki kjöt eða fisk.

 

Brauðterta með eggjasalati og grófu sinnepi

Salat

15 harðsoðin egg
300 g majónes
100 g grísk jógúrt
3 skalotlaukar, fínt skornir
½ græn paprika, skorin smátt
1 ½ msk. steinselja
1 msk. gróft dijon-sinnep
2 msk. sítrónusafi
½ -1 tsk. sjávarsalt
½ tsk. nýmalaður svartur pipar

AUGLÝSING


Blandið öllu hráefninu saman í skál og bragðbætið með salti og pipar.

Brauðterta

1 rúllutertubrauð, gróft eða fínt
½ dl grísk jógúrt
1 ½ dl majónes
1 tsk. sítrónusafi
eggjasalat, uppskrift hér að ofan

Rúllið brauðinu út, smyrjið það allt með eggjasalatinu og rúllið saman. Leggið rúllutertuna varlega á fat eða bretti. Blandið saman sýrðum rjóma, majónesi og sítrónusafa. Smyrjið rúllutertuna á öllum hliðum með blöndunni.

Til skreytingar

salat að eigin vali, fallegt að nota dökkt salat
sítrónusneiðar
agúrkusneiðar
radísusneiðar
graslaukur
steinselja
blæjuber, skorin í sneiðar
rauð vínber, skorin í sneiðar
granateplafræ

Raðið grænmetinu á brauðtertuna eftir smekk og um að gera að láta hugmyndaflugið ráða ferðinni.

Matreiðsla / Folda Guðlaugsdóttir
Stílisering og ritstjórn / Hanna Ingibjörg Arnarsdóttir
Myndataka/ Hákon Davíð Björnsson
Klipping / Hákon Davíð Björnsson

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum