2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Ofurhollur lax með grískri jógúrt og dilli

Lax er með því hollasta sem við getum í okkur látið og flest ættum við að borða meira af honum, sannkölluð ofurfæða sem einfalt er að matreiða. Hér er uppskrift að gómsætum, ofnbökuðum laxi. Sérstaklega fljótlegur og einfaldur réttur.

 

Ofnbakaður lax með grískri jógúrt og dilli
fyrir 4

Í þennan rétt er líka tilvalið að prófa að setja sýrðan rjóma eða kotasælu í staðinn fyrir eða með grísku jógúrtinni. Léttur réttur sem passar vel t.d. með góðu kúskúsi. Hann er ekki síður góður kaldur daginn eftir.

1 lítið laxaflak (700-800 g)
gróft sjávarsalt
nýmalaður svartur pipar
1-2 greinar ferskt dill, saxað
safi úr ½ sítrónu

AUGLÝSING


Hitið ofn í 180°C. Snyrtið laxaflakið og setjið í eldfast mót eða á bökunarplötu. Stráið salti og pipar á fiskinn og dreifið fersku dilli yfir, ásamt sítrónusafa.

Smyrjið sósunni jafnt yfir flakið og bakið í 15 mín.

Takið þá laxinn úr ofninum og látið hann standa í 5 mín. áður en hann er borinn fram, þannig eldast hann aðeins áfram.

Sósa:

2 dl grísk jógúrt
1 hvítlauksgeiri
1 msk. dijon-sinnep
½ rauðlaukur, fínt saxaður
2-3 greinar ferskt dill, fínt saxað
gróft sjávarsalt
nýmalaður svartur pipar

Blandið öllu saman og bragðbætið með salti og pipar.

Umsjón: Kristín Dröfn Einarsdóttir
Myndir: Aldís Pálsdóttir
Stílisti: Ólöf Jakobína Ernudóttir

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum