2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Quesadillur með svörtum baunum og glóðaðri papriku – 20 mín.

Quesadillur eru mjög sniðugar til að losa um afganga í ísskápnum, hægt er að leika sér með hráefni í fyllinguna og ekki spillir fyrir ef til er einhver afgangur af elduðu kjöti. Þær eru líka mjög góðar daginn eftir og eru því sniðugar í nestisboxin hjá börnum jafnt sem fullorðnum.

 

1 msk. ólífuolía
1 rauðlaukur, saxaður smátt
2 tsk. reykt paprikuduft
1 400 ml dós svartar baunir
1 krukka glóðaðar paprikur
1-2 msk. jalapeno í krukku, saxaður
100 g rifinn ostur, t.d. gouda eða ísbúi
½ hnefafylli steinselja, söxuð
8 heilhveititortillur

Hitið 1 msk. ólífuolíu á pönnu yfir meðalháum hita. Bætið rauðlauknum saman við ásamt reyktu paprikudufti og steikið þar til hann fer að taka á sig gylltan lit, u.þ.b. 7-8 mín. Stappið svartar baunir með kartöflustöppu eða gaffli og blandið síðan glóðaðri papriku saman við ásamt jalapeno, rifnum osti, lauknum og steinselju.

Penslið tortillu með ólífuolíu og snúið henni síðan við, setjið fjórðung af baunamaukinu ofan á og leggið aðra tortillu ofan á. Penslið toppinn á tortillunni með ólífuolíu. Endurtakið þar til hráefni er uppurið.

AUGLÝSING


Hitið stóra pönnu yfir meðalháum hita og ristið hverja köku þar til gylltar á báðum hliðum og osturinn er farinn að bráðna, gott er að nota stóran disk til að hjálpa til við að hvolfa kökunni áður en hún er steikt á seinni hliðinni til að hún haldi sér betur.

Skerið hverja tortillu í 4-6 bita og berið fram með góðri salsa-sósu.

Texti / Bergþóra Jónsdóttir og Nanna Teitsdóttir
Stílisti / Hanna Ingibjörg Arnarsdóttir
Myndir / Hákon Davíð Björnsson

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum