Fimmtudagur 28. mars, 2024
1.8 C
Reykjavik

Saltfiskur er veislumatur

VefTv

- Auglýsing -

Hlaðvörp

- Auglýsing -

Blásið hefur til heljarinnar Saltfiskviku á veitingastöðum um land allt, en hún stendur yfir til 15. september. Þrettán veitingastaðir taka þátt í viðburðinum, allir með a.m.k. einn saltfiskrétt á matseðlinum og eru gestakokkar frá Ítalíu, Spáni og Portúgal jafnframt væntanlegir og munu elda á völdum stöðum. Af því tilefni ákváðum við að deila með lesendum uppskrift að einum syndsamlega góðum saltfisksrétti – rétti sem sómir sér vel í hvaða veislu sem er.

 

Saltfiskur í pestósósu
fyrir 4

Þegar klettakálið fer að verða lint og leiðinlegt er tilvalið að gera úr því pestó sem geymist í nokkra daga í kæli. Pestó sem er ekki bara gott með brauði eða út á salat heldur líka með saltfiski.

800 g saltfiskur, helst hnakkastykki
svartur pipar
1 dl klettakáls- og basilíkupestó

Hitið ofninn í 170°C. Kryddið fiskinn með pipar og veltið honum síðan upp úr pestóinu. Setjið í eldfast mót og bakið í u.þ.b. 10-12 mín. (tíminn fer eftir þykkt bitanna). Berið fram með kartöflumús með parmesankartöflumús og basilíku.

Klettakáls- og basilíkupestó

- Auglýsing -

1 poki klettakál
2-3 stilkar basilíka, má sleppa
2 hvítlauksgeirar
pipar
1 msk. furuhnetur
4 msk. rifinn parmesanostur
2 msk. sítrónusafi
½-1 msk. sykur
2 dl olía

Setjið allt nema olíu í matvinnsluvél og maukið vel. Bætið síðan olíunni smátt og smátt saman við þar til pestóið er orðið hæfilega þunnt.

Parmesankartöflumús

- Auglýsing -

500 g kartöflur, skrældar og soðnar
1-2 dl rjómi
3 msk. rifinn parmesanostur
2 msk. saxað ferskt basilíka
salt
svartur pipar
rifinn parmesanostur

Hitið ofninn í 180°C. Stappið kartöflur eða pressið með kartöflupressu í skál. Blandið rjóma, parmesanosti og basilíku saman við og kryddið með salti og pipar. Setjið blönduna í smurt, eldfast mót og stráið rifnum parmesanosti yfir, bakið í 5-10 mín. eða þar til osturinn er orðinn fallega gullinn.

Umsjón / Guðrún Hrund
Mynd / Karl Petersson

Sjá einnig: Saltfiskvika dagana 4. – 15. september – Saltfiskurinn gleymda sælkeravaran

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -