2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Sambal oelek-kjúklingaspjót

Fátt er sumarlegra en ilmurinn af grilluðu kjöti sem liggur yfir borgum og bæjum á hlýjum sólríkum kvöldum. Þegar kjöt er grillað er mikilvægt að reyna að tímasetja matseldina þannig að kjötið nái stofuhita áður en það er eldað, þannig eldast það jafnt og það kemur í veg fyrir að það verði orðið seigt yst og hrátt innst. Gott er að hafa kjöthitamæli við höndina þar sem best er að reiða sig á kjarnhita kjötsins til að fá sem besta eldun á kjötinu. Svo er bara að bjóða fólki í mat og gæða sér á góðum kræsingum og frískandi drykkjum, helst á pallinum.

 

Sambal oelek-kjúklingaspjót

fyrir 4-6

Ef notuð eru bambusspjót þá þarf að láta þau liggja í bleyti í 30 mín. áður en kjúklingurinn er þræddur upp á, annars kviknar í þeim á grillinu.

1 kg skinn- og beinlaus kjúklingalæri, skorin í 4 cm stóra bita

AUGLÝSING


2 tsk. rifið engifer

2 hvítlauksgeirar, fínt rifnir

1 dl ljós púðursykur

1 dl hrísgrjónaedik

½ dl sambal oelek

3 msk. sojasósa

2 msk. fiskisósa

Hrærið saman engifer, hvítlauk, sykur, edik, sambal oelek og sojasósu í skál. Setjið kjúklingabitana í skálina og látið marinerast í 30 mín. Þræðið kjúklinginn upp á grillspjót og leggið á bretti, setjið til hliðar. Takið marineringuna og setjið yfir meðalháan hita á eldavélinni. Hægsjóðið marineringuna niður þar til hún verður þykk og seigfljótandi, u.þ.b. 7-10 mín. Náið upp háum hita á grillinu og berið olíu á grindina. Grillið kjúklingaspjótin, penslið þau með marineringunni og snúið reglulega, þar til kjúklingurinn hefur eldast í gegn, tekur um 8-10 mín.

Umsjón / Nanna Teitsdóttir  Stílisti / Bergþóra Jónsdóttir Mynd / Hákon Davíð Björnsson

Lestu meira

Annað áhugavert efni

Nýjast á Mannlíf.is

Nýjast á Gestgjafanum