2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Myndband: Skinkubrauðterta sem allir elska

Eflaust hefur það ekki farið fram hjá neinum að við á Gestgjafanum höfum verið í sannkölluðu brauðtertustuði undanfarnar vikur, enda gott að henda í brauðtertur til að hvíla kökuátið en kökublað Gestgjafans var einmitt að koma í verslanir. Þessi brauðterta er afar fersk og góð en samt nokkuð klassísk og því finnst eiginlega öllum hún góð. Brauðtertuna er afar auðvelt að gera eins og sést vel á myndbandinu sem fylgir með. Veði ykkur að góðu.

 

Brauðterta með skinkusalati, sellerí og rauðlauk

Til að koma í veg fyrir að skinkusalatið verði vatnskennt er gott að þerra grænmetið á pappír áður en því er blandað saman við restina af hráefninu.

Skinkusalat

250 g majónes
100 g grísk jógúrt
1 msk. þurrkuð paprika
2 msk. gróft dijon-sinnep
1 tsk. cayenne-pipar
½ tsk. svartur pipar
400 g sveitaskinka, skorin smátt
2 stönglar sellerí, saxað smátt
2 msk. rauðlaukur, fínt skorinn
2 msk. steinselja söxuð smátt
3 msk. súrar gúrkur, saxaðar smátt
5 harðsoðin egg, skorin smátt

AUGLÝSING


Blandið saman majónesi, grískri jógúrt, papriku, dijon-sinnepi, cayenne-pipar og svörtum pipar í stóra skál. Hrærið restina af hráefninu saman við.

Brauðterta

1 brauðtertubrauð, í fjórum sneiðum
½ dl grísk jógúrt
1 ½ dl majónes
1 tsk. sítrónusafi

Skerið endana af brauðinu og leggið einn brauðbotn á fat eða bretti. Smyrjið brauðbotninn með skinkusalati og leggið annan botn ofan á. Endurtakið ferlið þar til botnarnir eru búnir. Ekki setja skinkusalat ofan á seinasta brauðið. Blandið saman í skál sýrðum rjóma, majónesi og sítrónusafa. Smyrjið brauðtertuna á öllum hliðum með blöndunni.

Til skreytingar

Sítrónusneiðar, salat, soðin egg skorin í sneiðar, græn paprika skorin í sneiðar, lambhagasalat, rauðrófuspírur, radísur skornar í sneiðar. Raðið grænmetinu á brauðtertuna eftir smekk og gefið sköpunarkraftinum lausan tauminn og bætið við öðru hráefni til skrauts að vild.

Matreiðsla / Folda Guðlaugsdóttir
Stílisering og ritstjórn / Hanna Ingibjörg Arnarsdóttir
Myndataka/ Hákon Davíð Björnsson og Hallur Karlsson
Klipping / Hallur Karlsson

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum