2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Súkkulaði – næring fyrir sálina

Súkkulaði er uppáhald margra og óhætt að fullyrða að góðar æskuminningar vakni bara við það eitt þegar við brögðum á góðri súkkulaðiköku með köldu mjólkurglasi, það er algjör sæla.

 

Í ljósi þess og í tilefni af því að í dag er Alþjóðlegi súkkulaðidagurinn fylgir hér uppskrift að kakó með ekta súkkulaði og þeyttum rjóma. Nánar tiltekið krydduðu kakói fyrir þá sem vilja prófa slíkt og svo nokkrar tillögur að annars konar bragðefni.

Kryddaður kakóbolli
fyrir 4

½ lítri nýmjólk
2 dl vatn
150 g súkkulaði 56 %
1 msk. sykur
1/8 tsk. múskat
½ tsk. kanill
1 kanilstöng
½ tsk. kardimommuduft

AUGLÝSING


Hitið mjólk og vatn að suðu og bætið síðan restinni af hráefninu saman við. Hrærið rólega í blöndunni þar til súkkulaðið hefur bráðnað og kryddið hefur samlagast.

Til þess að fá meira bragð af kakóinu er gott að leyfa því að malla rólega á vægum hita í u.þ.b. 20 mínútur. Berið fram með þeyttum rjóma.

Tillögur að annars konar bragðefni og þá er kryddinu sleppt úr grunnuppskriftinni:

  • Piparmyntudropar
  • Kanill og ferskur chili-pipar
  • Hnetusmjör
  • Karamellusósa eða heilar karamellur látnar bráðna með súkkulaðinu
  • Smávegis skvetta af rjómalíkjör, t.d. Bayley‘s eða Amarula

Mynd / Heiðdís Guðbjörg Gunnarsdóttir
Stílisti / Hanna Ingibjörg Arnarsdóttir

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum