2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Þorskur á marokkóskum nótum

Ljúffeng uppskrift sem leikur við bragðlaukana.

Fyrir 4.

500 g þorskur, skorin í stóra bita
gróft sjávarsalt
nýmalaður svartur pipar
2-3 msk. ólífuolía
1 eggaldin, skorið í nokkuð stóra bita
150 g gulrætur, sneiddar
1 rauðlaukur, saxaður
2 hvítlauksgeirar, saxaðir fínt
1 dós niðursoðnir kirsuberjatómatar
2 tsk. paprikuduft
½ tsk. túrmerik
½ tsk. cayenne-pipar
¼ tsk. chili-flögur
¼ tsk. kanill
½ msk. hunang
2 msk. kapers

Stráið salti og pipar á fiskinn og setjið til hliðar. Hitið olíu á pönnu og steikið eggaldin, gulrætur og lauk þar til grænmetið er aðeins farið að taka lit. Bætið hvítlauk saman við og steikið áfram í nokkrar mín.

AUGLÝSING


Setjið tómata og krydd út í og látið þetta malla saman í 5-10 mín. eða þar til gulræturnar eru eldaðar í gegn. Bætið hunangi saman við ásamt kapers og raðið síðan fiskbitunum ofan í grænmetiskássuna.

Setjið lok á pönnuna og látið þetta malla saman í u.þ.b. 10 mín. eða þar til fiskurinn er eldaður í gegn. Berið fram.

Umsjón / Kristín Dröfn Einarsdóttir
Myndir / Aldís Pálsdóttir
Stílisti / Hanna Ingibjörg Arnarsdóttir

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum