2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Unaðsleg Oreo-ostakaka

Ostakökur eru uppáhald margra. Þeir sem eru fyrir ostakökurnar eru oft ástríðufullir aðdáendur þeirra og nota hvert tækifæri til að gæða sér á þeim. Hér er uppskriftir að einni góðri þar sem Oreo-kex spilar stórt hlutverk.

Oreo-ostakaka
fyrir 8

Botn:

130 g hafrakex
2 msk. púðursykur
1 msk. kakó
6 msk. smjör, brætt

Myljið kex og bætið púðursykri og kakói saman við. Bætið smjöri út í og blandið vel saman. Setjið bökunarpappír á botninn á smelluformi. Það má líka nota bökuform og þá þarf engan pappír. Þrýstið kexmylsnunni á botninn á forminu.

AUGLÝSING


Kakan:

2 matarlímsblöð
500 g rjómaostur
50 g sykur
2 dl rjómi, þeyttur
2 tsk. vanilludropar
8 Oreo-kexkökur, saxaðar
6-8 Oreo-kexkökur, skornar í tvennt, til að skreyta með

Leggið matarlímsblöð í bleyti í kalt vatn. Hrærið rjómaost og sykur vel saman. Bætið þeyttum rjóma, vanilludropum og söxuðum kexkökum varlega saman við. Bræðið matarlím ásamt 2 msk. af vatni yfir vatnsbaði og hellið því út í blönduna.

Hellið ostablöndunni í formið ofan á kexbotninn. Skreytið með Oreo-kexkökum og kælið.

Umsjón / Sigríður Björk Bragadóttir
Stílisti / Ólöf Jakobína Ernudóttir
Myndir / Karl Petersson

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum