• Orðrómur

Vegan-karamelluostakaka sem enginn getur staðist

Efnisorð

Deila

- Auglýsing -

Þórdís Ólöf Sigurjónsdóttir og Aron Gauti Sigurðarson ljósmyndari gerðust vegan fyrir um fjórum árum og opnuðu vefsíðuna Graenkerar.is. Þar deila þau hollum og góðum uppskriftum fyrir grænkera og sælkera almennt. Þórdís sér um baksturinn og Aron um ljósmyndunina og smakkið.

Hérna deila þau með lesendum uppskrift að dásamlegri karamelluostaköku sem er að sjálfsögðu vegan.

Vegan-karamelluostakaka

1 dl pekanhnetur
2 dl möndlur
6 ferskar döðlur, takið steinana úr
2 tsk. kókosolía, bragð- og lyktarlaus
salt

Setjið hneturnar í matvinnsluvél og blandið þar til þær eru nokkuð fínmalaðar. Bætið döðlum, kókosolíu og salti út í og blandið þar til deigið festist saman. Leggið smjörpappír í botninn á hringlaga smelluformi.

- Auglýsing -

Þrýstið deiginu vel niður í formið svo það þeki allan botninn. Geymið botninn í kæli meðan fyllingin er útbúin.

Fylling

3 dl kasjúhnetur
8 ferskar döðlur
1/2 dl hlynsíróp, eftir smekk
1 dl kókosolía, bragð- og lyktarlaus
1 dl rjómaostur, t.d. frá Oatly
2 dl kókosmjólk í dós, þykki hlutinn
1 tsk. vanilludropar
1 tsk. sítrónusafi
salt
3 dl vatn
1 tsk. agar-agar-duft

- Auglýsing -

Kælið kókosmjólkina en þá skilur hún sig og þykki hlutinn situr efst en þunnkenndur vökvi neðst. Setjið vatn og agar-agar-duft í pott og hitið að suðu.

Setjið hin hráefnin í matvinnsluvél og blandið þar til silkimjúkt. Þetta getur tekið nokkrar mínútur. Hellið næst agar-agar-blöndunni út í og blandið áfram í smástund.

Hellið fyllingunni yfir botninn og geymið í kæli meðan karamellukremið er útbúið.

- Auglýsing -

Karamellukrem

1/2 dl hlynsíróp
1/4 dl kókossykur eða hrásykur
1/2 dl kókosolía
1,5 dl kókosmjólk í dós, þykki hlutinn
1 tsk. vanilludropar
salt

Setjið öll hráefnin í pott og sjóðið í um 10-15 mín þar til karamellan hefur dökknað og þykknað. Gott er að setja örlítið af karamellunni í glas og inn í frysti til að athuga hversu stíf hún er orðin.

Smyrjið karamellukreminu yfir fyllinguna og skreytið að vild, ég notaði saxaðar pekanhnetur.

Myndir / Aron Gauti Sigurðarson

Veistu meira um málið?

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Litríkt og ljúffengt á vorlegum nótum

Nýtt blað Gestgjafans er komið út og að þessu sinni erum við á vorlegum nótum. Blaðið er...

Ostafranskar með beikoni og blámygluosti

Hver elskar ekki franskar? Hér kemur uppskrift að spennandi og djúsí rétti þar sem beikon og blámygluostur...

Nýtt í dag

Í fréttum er þetta helst...

Mest lesið í vikunni

- Auglýsing -