Veislublað Gestgjafans – girnilegt og gómsætt

Nýtt og glæsilegt tölublað Gestgjafans er komið í verslanir. Blaðið er stútfullt af gómsætum og aðgengilegum uppskriftum ásamt fjölbreyttum fróðleik og viðtölum. Meðal efnis eru sniðugir og einfaldir smáréttir sem henta meðal annars í fermingar eða afmæli. Einnig eru sérlega girnilegar og tignarlegar kökur sem sóma sér vel á fermingarborðinu og allir ættu að geta gert.

Barnaafmæli þurfa ekki að vera mjög flókin  og það kemur bersýnilega fram í barnaafmælisþættinum í blaðinu en þar eru líka hugmyndir að fallegu skrauti og uppstillingum.

Bökur eru einstaklega hentugar þegar kemur að veislum og fermingum en nokkrar slíkar er einmitt að finna í blaðinu og þar er áhugaverð uppskrift fyrir þá sem eru í ketó-lífstílnum en einnig eru nokkrir réttir fyrir þá sem eru vegan.

Morgunverður í Amsterdam er í öndvegi á ferðasíðunum og Dominique og Eymar fræða okkur um grísk rauðvín og smakka og dæma ný vín í reynslu en einnig tóku þau sig til og smökkuðu og dæmdu 16 tegundir af gini.

Forsíðumyndina tók Hallur Karlsson.

AUGLÝSING


Veitingastaðurinn Skál á Hlemmi sem fékk Bib gourmand nafnbótina í Michelin-bókinni á dögunum er í þættinum Innlit á veitingastað en þar gefur þessi frábæri staður lesendum uppskriftir að vinsælum réttum á matseðlinum.

Hér er einungis fjallað um brot af því sem er að finna í þessu fallega og vandaða blaði en rétt er að taka fram að allar uppskriftir í matarþáttunum sem ritstjórn Gestgjafans gerir eru búnar til, prófaðar og stíliseraðar í tilraunaeldhúsi Gestgjafans.

 

Ekki missa af þessum

Annað áhugavert efni