Það er ekki á hverjum degi sem hús eftir Björgvin Snæbjörnsson er til sölu en í dag er hægt að kaupa slíkt hús.

Björgvin hannaði Austurkór 58 en um er að ræða glæsilegt hús. Það er 296.6m² á stærð og eru sex svefnherbergi í því.

Húsið er á tveimur hæðum ásamt bílskúr á einstökum útsýnisstað við Austurkór í Kórahverfinu og í jaðri golfvallar GKG. Um er að ræða steinsteypt hús sem var byggt árið 2015 og stendur húsið á 577 fm lóð með fallegri aðkomu og upphituðu bílaplani. Á baklóð er skjólsæl verönd með heitum potti og lítill garður sem lagður er gervigrasi.

Eigendur þess vilja fá 265.000.000 krónur fyrir húsið.