Alls 16 börn verið greind með E.coli

Heilbrigðisyfirvöld staðfestu í dag E.coli sýkingu hjá fjórum börnum til viðbótar við þau sem áður hafa verið greind. Alls hafa því 16 börn verið greind með sýkinguna.

Þetta kemur fram á heimasíðu Landlæknis. Börnin eru á aldrinum 14 mánaða til 4 ára. Faraldsfræðilegar upplýsingar hjá þessum börnum liggja ekki fyrir á þessari stundu. Börnin munu fara í eftirlit á Barnaspítala Hringsins.

Um þriðjungur starfsmanna í Efstadal voru einnig rannsakaðir í dag og greindist enginn með bakteríuna.

Staðfest hefur verið að uppruni sýkingarinnar megi rekja til ferðaþjónustu á Efstadal 2 á Suðurlandi. Líklegt er að upprunann megi rekja til íss sem þar var framleiddur.

Ekki missa af þessum

Annað áhugavert efni

Nýjast á Mannlíf.is