Dansar á mörkum tilraunapopps og þjóðlagatónlistar

Töfrabörn er ný plata tónlistarkonunnar Ragnheiðar Gröndal sem inniheldur níu lög.

Töfrabörn var unnin og útsett í samstarfi við írska upptökustjórann Gerry Diver og einnig í samvinnu við náið samstarfsfólk Ragnheiðar til margra ára, þar má nefna Guðmund Pétursson, Hauk Gröndal, Claudio Spieler, Ingibjörgu Fríðu Helgadóttur og Rakel Pálsdóttur.

Erfitt er að nefna tónlistarstílinn á plötunni en til að hafa sem fæst orð má segja að tónlistin dansi á mörkum tilraunapopps og þjóðlagatónlistar. Sjálf lýsir Ragnheiður tónlist sinni sem opnu samtali við hina óþrjótandi uppsprettu sem býr innra með öllum manneskjum. Tilraun til að slá heiðarlegan tón í fullkomnu grandaleysi um allt nema eigin sköpunargleði – eins og lítið barn. Töfrabarn.

AUGLÝSING


Fótfesta er fyrsta smáskífa plötunnar. Lagið má túlka á ýmsa vegu og frelsi hlustandans til að skilja það á sinn hátt ræður ríkjum. Má segja að lagið gæti fjallað um að hafa misst fótfestu sína, að hafa brotlent aðeins í lífinu og týnst í fjöldanum. Leyndardómsfullt lag sem dregur áherslur sínar frá stórbrotinni íslenskri náttúru. Myndbandið við lagið má sjá hér.

Ekki missa af þessum

Annað áhugavert efni

Nýjast á Mannlíf.is