Ljósmyndarinn Omar Z. Robles hefur myndað ballettdansara í um fjögur ár víðs vegar um heiminn. Í myndum sínum leyfir Omar líkömum dansaranna að segja sögu þeirra, og undirstrikar oft andstæður í myndunum með því að láta dansarana sýna listir sínar í hráu umhverfi stórborga.
„Áður en ég varð ljósmyndari lærði ég og vann við látbragðsleik,” segir Omar í samtali við Bored Panda. „Ég fann svipaða leið til að segja sögur í ljósmyndunum með því að nota myndmál.”
Í nýjustu seríu sinni, Bare Sky Dance, stillir hann dönsurum upp á húsþökum í New York-borg. Dansararnir eru gjörsamlega berskjaldaðir þar sem þeir sitja fyrir naktir.
„Nakinn líkami segir mikið um okkar brothættu en jafnframt dularfullu og tignarlegu tilveru,” segir Omar og bætir við:
„Við fæðumst nakin og vorum getin við athæfi sem krefst nektar, í flestum tilvikum.”
Hér fyrir neðan má sjá nokkrar af myndunum í seríunni Bare Sky Dance, en þær eru vægast sagt undurfagrar:
Myndir / Omar Z. Robles