Demókratar æfir og telja Trump ætla að grafa undan Mueller-skýrslu um samskipti við Rússland fyrir birtingu

Skýrsla Robert Mueller, um rannsókn á tengslum Trump við Rússland, verður opinberuð bandaríska þinginu á Skírdag eftir tveggja ára rannsóknarvinnu. Hvíta húsið hefur þegar fengið að sjá hluta skýrslunnar og vakti það mikla reiði og óánægju meðal Demókrata sem saka Trump-stjórnina um tilraunir til að grafa undan skýrslu Mueller.

Allt frá kosningabaráttu og síðar kjöri Donald Trump til forseta Bandaríkjanna hefur því ítrekað verið haldið fram að Rússar hafi blandað sér í forsetakosningarnar árið 2016. Eru starfsmenn Donald Trumps og forsetinn sjálfur sakaðir um að vinna náið með rússneskum yfirvöldum og þegið aðstoð við kosningabaráttuna. Í Bandaríkjunum eru afskipti erlendra ríkja að kosningum óheimil og það er brot á kosningalögum þar í landi að taka við fjárhagslegum stuðning vegna kosninga.

Blaðamannafundur á vegum dómsmálaráðherrans, William Barr, verður haldinn fyrir opinberun skýrslunnar og hefur forsetinn sagst íhuga að fylgja á eftir. Þessi ákvörðun hefur verið gagnrýnd enda fer fundurinn fram áður en skýrslan hefur verið birt þinginu og hvað þá síður almenningi. CNN bendir á að þetta geti haft áhrif á upplifun almennings á skýrslunni. CNN hefur áður greint frá áætlun Trumps og stjórnar hans um birtingu sérvalinna kafla úr skýrslunni og eigin túlkana áður en hún er gerð opinber. Demókratar hafa lýst yfir áhyggjum sínum og fordæma aðgerðir Hvíta hússins í málinu.

Umfjöllun á CNN Politics má lesa hér.

 

Ekki missa af þessum

Annað áhugavert efni

Nýjast á Mannlíf.is