Engar vísbendingar um slæma vinnustaðarmenningu

Helga Jónsdóttir, núverandi forstjóri OR , segir að starfsfólk OR sé almennt ánægt í starfi.

Orkuveita Reykjavíkur boðaði til blaðamannafundar sem hófst klukkan 15:00. Á dagskrá var yfirferð á niðurstöðu úttektar á vinnustaðarmenningu OR og umfjöllun tiltekinna starfsmannamála. Þar á meðal var mál Áslaugar Thelmu Einarsdóttur tekið fyrir, henni var sagt upp störfum í september.

Eins og fjallað hefur verið um snýst mál Thelmu um að henni var sagt upp störfum í haust „án haldbærra skýringa“ að hennar sögn. Tveimur dögum síðar var Bjarna Má Júlíussyni, framkvæmdastjóra ON, sagt upp störfum vegna óviðeigandi framkomu. Bjarni Bjarnason, forstjóri OR, steig til hliðar og Helga Jónsdóttir tók við starfi hans tímabundið, á meðan málið er til skoðunar.

Brynhildur Davíðsdóttir, formaður stjórnar OR, Helga Jónsdóttir, starfandi forstjóri OR og Berglind Rán Ólafsdóttir, framkvæmdastjóri ON, stýrðu fundinum.

Helga Jónsdóttir, núverandi forstjóri OR, fór rétt í þessu yfir niðurstöku úttektar innri endurskoðunar Reykjavíkurborgar sem gerð var á vinnustaðarmenningu OR. Hún sagði að niðurstaðan sé sú að ekki séu vísbendingar um að kynferðisleg áreitni og óviðeigandi samskipti hafi liðist á vinnustað OR. Einnig segir hún að í úttektinni komi fram að starfsfólk OR sé almennt ánægt í starfi. Engar vísbendingar séu um falda menningu á vinnustaðnum.

AUGLÝSING


Hún tók fram að vissulega hafi allar ábendingar verið teknar til greina og að alltaf megi gera betur. Að lokum sagði hún að góður árangur hafi náðst þegar kemur að því að skapa góða vinnustaðarmennningu.

Tímabundnu leyfi Bjarna Bjarnasonar líkur þá næsta þriðjudag er fram kom á fundinum.

Hægt var að fylgjast með fundinum í beinni á YouTube-síðu Orkuveitu Reykjavíkur.

Sjá nánar: Vissu af „galla“ framkvæmdastjórans þegar hann var ráðinn

 

Ekki missa af þessum

Engar færslur fundust.

Annað áhugavert efni

Nýjast á Mannlíf.is