Frægir sem hafa misst heimili sín í skógareldunum

Skógareldarnir sem geisa í Kaliforníu hafa valdið gríðarlegu tjóni. Margt fólk hefur misst heimili sín í eldunum og fleiri hafa þurft að yfirgefa heimili sín og óttast framhaldið.

Tala látinna hækkar vegna skógareldanna sem geisa í Kaliforníu en nýjustu fregnir herma að 50 manns hafi nú látist í eldunum. Tjónið er gríðarlegt og margir hafa misst hús sín og eigur vegna ástandsins, þar á meðal nokkrar stjörnur.

Þær stjörnur sem vitað er til að hafi misst heimili sín vegna skógareldanna eru tónlistarkonan Miley Cyrus, leikarinn Gerard Butler, tónlistarmaðurinn Neil Young og söngvarinn Robin Thicke.

View this post on Instagram

Our home is just to the left! Praying

A post shared by Robin Thicke (@robinthicke) on

Cyrus greindi frá því á mánudaginn að hús hennar hefði brunnið til grunna. Þá hvatti hún fólk til að leggja sitt af mörkum og styrka góðgerðafélög sem vinna að björgunarstarfi á svæðinu.

AUGLÝSING


Neil Young tjáði sig þá um brunann á vef sínum og nýtti tækifærið til að lýsa yfir áhyggjum sínum á loftslagsbreytingum og aðgerðarleysi yfirvalda. Þetta er í annað sinn sem Young missir hús sitt vegna skógarelda.

Gerard Butler birti þá mynd af sér við brunarústir sem eitt sinn var heimili hans.

Fleiri stjörnur gætu misst heimili sín vegna eldanna en Kim Kardashian, Lady Gaga, Iggy Azalea, Liam Payne, Cher, Alyssa Milano og Jessica Simpson eru meðal þeirra sem hafa þurft að yfirgefa hús sín vegna ástandsins.

Leikkonan Shannen Doherty, sem er þekktust fyrir hlutverk sitt í þáttunum Beverly Hills, 90210 og Charmed, hefur undanfarið tjáð sig mikið um skógareldana á samfélgsmiðlum en hefur leiðrétt fréttir þess efnis að hús hennar hafi brunnið til grunna.

View this post on Instagram

Malibu.

A post shared by ShannenDoherty (@theshando) on

Ekki missa af þessum

Annað áhugavert efni

Nýjast á Mannlíf.is