Föstudagur 29. mars, 2024
4.8 C
Reykjavik

Fyrrum keppandi Gettu betur kallar Moggapistil „drullu“

VefTv

- Auglýsing -

Hlaðvörp

- Auglýsing -

Grétar Þór Sigurðsson, fyrrverandi keppandi Gettu Betur fyrir hönd MR, er ekki hrifinn af pistli sem birtist í Morgunblaðinu um helgina. Pistilinn skrifar Orri Páll Ormarsson.

Í pistlinum undrar Orri sig á vanþekkingu keppenda Gettu Betur þegar kemur að listgreinum, þá sérstaklega tónlist.

Svona hefst pistillinn: „Ég ber djúpa virðingu fyrir keppendum í spurningaþættinum Gettu betur! í Ríkissjónvarpinu; þeir eru upp til hópa nánast ólöglega vel að sér um ótrúlegustu hluti. Sem fyrr vantar þó eitt svið upp á – listir. Þar koma spyrjendur iðulega að tómum kofunum hjá liðunum.“

Í pistlinum eru svo nokkur dæmi tekin. Þar segir meðal annars: „Tólfunum kastaði þó fyrst á dögunum þegar þrír gúmmelaðigæjar úr Duran Duran birtust á skjánum og Gettubetrungar voru beðnir að nafngreina hljómsveitina. Annað liðið sagði pass en hitt skaut á Metallica. Jesús, María og Jósef. Við liggur að fólk sem ekki þekkir muninn á Duran Duran og Metallica eigi skilið lögsókn.“

Grétar Þór vekur athygli á pistlinum á Twitter og spyr um hvaða „drullu“ sé um að ræða.

„Megininntakið í þessum pistli er að menntaskólanemar þekkja ekki einhverjar afdankaðar hljómsveitir sem eru í uppáhaldi hjá pistlahöfundi. Hann hefur ekkert fyrir sér í hugleiðingum sínum um listasöguna þar sem ekki hefur reynt á það – það eru getgátur. Ergo: Greinin er drulla.“

- Auglýsing -
Ásgeir og Oddur benda á að meðlimir Metallicu eru ekki svo ólíkir Duran Duran mönnum eftir að þeir létu snyrta sig.

Mynd / Skjáskot af Twitter

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -