Greiðslukerfi Vaðlaheiðarganga les illa gamlar númeraplötur

Sjálfvirkt greiðslukerfi Vaðlaheiðaganga gengur illa að lesa gamlar númeraplötur. Bifreiðar með eldri gerð númeraplata með hvítum stöfum á svörtum fleti geta hugsanlega farið í gegnum göngin án greiðslu.

Fréttablaðið greinir frá. „Gömlu plöturnar eru öðruvísi að því leyti til að endurskinið af þeim er ekki það sama. Því er erfiðara fyrir hugbúnaðinn að lesa af þeim. Eftir sem áður er öllum skylt að greiða í göngin. Ég get hins vegar ekki ábyrgst að þeir sem eru á gömlu númerunum og hafa fyrirframgreitt 100 ferðir, að allar ferðirnar þeirra telji inn í kerfið okkar,“ segir Valgeir Bergmann, framkvæmdastjóri Vaðlaheiðaganga, við Fréttablaðið.

Valgeir segir alltaf eitthvað um að fólk reyni að komast hjá greiðslu. Það sé þekkt vandamál víða um heim. Þannig hafi komið upp dæmi þar sem númeraplata er ekki til staðar. Það segir hann þó hlutfallslega fáa bíla. „Norsku aðilarnir sýndu okkur hins vegar myndir af ökumanni sem stöðvaði bifreiðina áður en farið var inn í göngin, fór úr bolnum og breiddi yfir númeraplötuna og ók ber að ofan í gegnum göngin. Við höfum ekki séð slíkt hér,“ segir Valgeir.

Ekki missa af þessum

Annað áhugavert efni

Nýjast á Mannlíf.is